ચોટીલાના પીપરાળી ગામે રહેતા યુવકે પંદરેક દિવસ પહેલા ભેસાણના ખંભાળિયા નજીક ઝેરી દવા પી લેતા જુદી જુદી હોસ્પિટલમાં સારવાર લીધા બાદ સિવિલ હોસ્પિટલમાં ખસેડવામાં આવતા દમ તોડી દીધો હતો. બનાવના પગલે ભેંસાણ પોલીસને જાણ કરવામાં આવી છે.

બનાવની પ્રાપ્ત વિગત ચોટીલાના પીપરાળી ગામે રહેતો મહેશ સુરાભાઈ ઓકિયા (ઉ.વ.૨૨) નામના યુવકે ગત તા.૧૫/૪ના ભેંસાણના ખંભાળિયા ગામે ઝેરી દવા પી લેતા પ્રમ ચોટીલા બાદ મેટોડા અને ત્યાંથી   રાજકોટ સિવિલ હોસ્પિટલમાં ખસેડાતા ચાલુ સારવાર દરમિયાન મોત નીપજ્યું હતું. બનાવ અંગે હોસ્પિટલ ભેંસાણ પોલીસને જાણ કરતા પોલીસે હોસ્પિટલ પહોંચી જરૂરી કાર્યવાહી કરી હતી. મૃતક છૂટક મજૂરી કામ કરતો હતો અને બે ભાઈ ત્રણ બહેનમાં મોટો હતો અને છૂટાછેડા થઇ ગયા હતા. તેણે ક્યાં કારણોસર આપઘાત કર્યો તે અંગે પોલીસે તપાસ હા ધરી છે.