તા.૨૦,૨૧અને ૨૨મી ત્રણ દિવસ દરમ્યાન અક્વાડા અને કૈલાસ બાલવાટિકામાં લોકોને નિઃશુલ્ક પ્રવેશ અપાશે :જોગસ પાર્ક પર રામચરિત આધારિત ચિત્રો અંકિત થશે, કચેરી બિલ્ડીંગ સહિતના સ્થળોને રોશનીથી ઝળહળતા કરાશે.

આગામી તારીખ ૨૨મીના રોજ અયોધ્યા ખાતેના નવનિર્મિત મંદિરમાં પ્રાણપ્રતિષ્ઠા મહોત્સવ નિમિત્તે  મહાનગરપાલિકા દ્વારા તા.૨૦થી ૨૨મી દરમ્યાન ભાવનગરશહેરમાં ઉજવણી કરાશે. જેમાં ૨૦થી ૨૨ત્રણ દિવસ દરમ્યાન અક્વાડા અને કૈલાસ બાલવાટિકામાં લોકોને નિઃશુલ્ક પ્રવેશ આપવા ઉપરાંત મ્યુ. કચેરી બિલ્ડીંગ સહિતના જાહેર સ્થળોને રોશનીથી ઝળહળતા કરાશે. જ્યારે જોગસ પાર્ક પર રામચરિત આધારિત ચિત્રો અંકિત કરાશે તેમજ ત્રણ સ્થળોએ રંગોળી બનાવવામાં આવનાર છે.
અયોધ્યા ખાતે આગામી તા.૨૨મીના રોજ યોજાનારા રામમંદિરમાં પ્રાણપ્રતિષ્ઠા મહોત્સવ નિમિત્તે મહાનગરપાલિકા દ્વારા ત્રણ દિવસ દરમ્યાન વિવિધ કાર્યક્રમોનું આયોજન કરી પ્રાણપ્રતિષ્ઠા મહોત્સવની ઉજવણી કરાશે.

જેમાં તા.૧૯થી ૨૨સુધી શહેરના અક્વાડા તેમજ બોરતળાવ ખાતેની કૈલાસ બાલવાટિકામાં લોકોને નિઃશુલ્ક પ્રવેશ અપાશે. આ ઉપરાંત જાહેરસ્થળોને રોશનીથી ઝળહળતા કરવામાં આવશે.

જયારે શહેરના જોગસ પાર્ક પર રામચરિત આધારિત થીમ સાથેના ચિત્રો અંકિત કરવામાં આવનાર છે. તેમજ શહેરના ત્રણ સ્થળોએ રંગોળી પણ બનાવાશે., આમ અયોધ્યા ખાતે પ્રાણપ્રતિષ્ઠા નિમિત્તે મહાનગરપાલિકા દ્વારા ભવ્ય ઉજવણી કરવામાં આવનાર છે જેની કમિશ્નર નવિન ઉપાધ્યાયના સીધા માર્ગદર્શન હેઠળ મહાપાલિકાના જુદાજુદા વિભાગીય વડાની આગેવાની હેઠળની ટીમો દ્વારા તડામાર તૈયારીઓ હાથ ધરવામાં આવી છે.