વૈજ્ઞાનિકોએ માનવ મગજને સમજવા માટે ઘણી ટેકનીક પર કામ કર્યું છે, પરંતુ તેઓ સફળ થયા નથી. હવે મેગ્નેટોજેનેટિક ટેકનોલોજી વિકસાવવામાં આવી છે. આમાં મેગ્નેટનો ઉપયોગ કરવામાં આવશે. વર્ષોથી, વૈજ્ઞાનિકોએ માનવ મગજને સમજવા અને નિયંત્રિત કરવા માટે ઘણા પરીક્ષણો કયર્િ છે. પરંતુ હજુ સુધી તેમને આમાં સફળતા મળી નથી. હાલમાં, વૈજ્ઞાનિકોએ ઘણા દાયકાઓ પછી એક નવી ટેક્નોલોજી વિકસાવી છે.
આમાં વૈજ્ઞાનિકો માનવ મગજને સમજવા માટે ચુંબકનો ઉપયોગ કરશે. આ પહેલા વીજળીનો ઉપયોગ થતો હતો. આ ટેક્નોલોજી માનવ મનને નિયંત્રિત કરી શકશે કે કેમ તે તો આવનારો સમય જ બતાવશે. આ ટેક્નોલોજી પહેલા પણ વૈજ્ઞાનિકો ઘણા પ્રોજેક્ટ પર કામ કરી ચૂક્યા છે. પરંતુ કાં તો તે યોજનાઓ નિષ્ફળ ગઈ અથવા તે યોજનાઓ વૈજ્ઞાનિકોની અપેક્ષા મુજબ પરિણામ ન આપી શકી. આ ટેક્નોલોજી વિશે એવું પણ કહેવામાં આવી રહ્યું છે કે હાલમાં તેઓ પ્રાણીઓના મનને નિયંત્રિત કરી રહ્યાં છે.પરંતુ તે મનુષ્યોને અસર કરતું નથી.

આ ટેકનોલોજી કેવી રીતે કામ કરે છે
વૈજ્ઞાનિકોના મતે આ ટેક્નોલોજી મગજમાં ચુંબકીય નેનોપાર્ટિકલ્સ અને ક્લોઝ રેન્જ મેગ્નેટિક ફિલ્ડ પર આધારિત છે. આ નવી ટેક્નોલોજી જે રીતે કામ કરે છે તે પણ અન્ય ટેક્નોલોજીથી અનોખી છે. તેમાં મેગ્નેટિક નેનોપાર્ટિકલની સાથે પીઝો નામનું મિકેનોસેન્સિટિવ પ્રોટીન છે.આ નેનોપાર્ટિકલનું કદ 200 નેનોમીટર એટલે કે 0.0002 મિલીમીટર છે. જ્યારે ફરતું ચુંબકીય ક્ષેત્ર ચુંબકીય નેનોપાર્ટિકલને ખસેડે છે. તેથી આ ટોર્ક જનરેટ કરે છે.આ ટેક્નોલોજીનો ઉપયોગ ઉંદરો પર કરવામાં આવ્યો હતો, જેમાં જાણવા મળ્યું હતું કે ઉંદરો વૈજ્ઞાનિકો ઈચ્છે તેટલું જ ખાઈ રહ્યા છે.