રાજકોટ શહેરમાં હાલ એક સમાચાર ચર્ચામાં છે. જેમાં સાંસદ રામ મોકરીયાની પોસ્ટ વાયરલ થઈ છે. આ પોસ્ટમાં સોશિયલ મીડિયામાં ચર્ચા શરૂ કરાવી દિધી છે. પોસ્ટમાં જણાવવામાં આવ્યું છે કે એક અબજપતિ સિનિયર નેતા પર રૂપિયાની લેતી દેતી મામલે આરોપ લગાવવામાં આવ્યો છે.

સાંસદ રામ મોકરીયાએ પોસ્ટમાં શું કહ્યુ ?
સાંસદ રામ મોકરીયાએ પોસ્ટમાં લખ્યુ કે, એક અબજોપતિ સિનિયર નેતાએ મારા પૈસા આપ્યા નથી તેમજ એ નેતાની નિયત ખરાબ હોવાથી મારા પૈસા આપ્યા નથી તેમણે વધુમાં જણાવ્યું હતુ કે  તે નેતા વર્ષ 1990થી સરકારમાં જુદા જુદા પદે રહી ચૂક્યા છે તેમજ 1980થી તેઓ રાજકારણમાં સક્રિય છે.

રાજકીય ચર્ચાએ જોર પકડ્યુ
સાંસદ રામ મોકરીયાની એક પોસ્ટ વાયરલ થઈ છે. વાયરલ થયેલી આ પ્રકારની પોસ્ટના કારણે હાલ તો રાજકીય ચર્ચાએ જોર પકડ્યુ છે. ત્યારે હાલ તો ચર્ચા ચાલી રહી છે કે સાંસદશ્રીના રૂપિયા કોને લીધા છે કોણ છે જે વર્ષ 1980થી સક્રિય રાજકારણમાં છે ? સાંસદની આ પોસ્ટ બાદ હાલ તો અનેક તર્ક વિતર્ક લોકો લગાવી રહ્યા છે.