દેશી ઘી બધાના રસોડાનો એક ભાગ છે. તે પ્રાચીન સમયથી ઉપયોગમાં લેવામાં આવે છે. ઋગ્વેદમાં પણ દેશી ઘીનો ઉલ્લેખ છે. તેમાં ફેટી એસિડ અને સારૂ કોલેસ્ટ્રોલ હોય છે. સારા સ્વાસ્થ્ય માટે ઘી ખાવું જરૂરી છે. જે ત્વચા અને વાળને પોષણ આપે છે અને સુંદરતામાં વધારો કરે છે.

શિયાળામાં ઘણા લોકો દેશી ઘીથી શરીરની માલિશ કરે છે. તેના અદ્ભુત ફાયદા છે. તેનાથી ત્વચા નરમ અને ચમકદાર બને છે. દેશી ઘી શરીરની ઘણી સમસ્યાઓને સરળતાથી દૂર કરી શકે છે. તેનાથી એલર્જી અને ઈન્ફેક્શન પણ દૂર થાય છે. 

શિયાળામાં દેશી ઘીથી માલિશ કરવાના ફાયદા

1. ઇન્ફેક્શનથી બચાવે

દેશી ઘી ઇન્ફેક્શન દૂર કરવામાં મદદ કરે છે અને તેમાં સોજો ઘટાડવાના ગુણ હોય છે. શિયાળામાં દેશી ઘીથી નિયમિત માલિશ કરવાથી ખંજવાળની સમસ્યા દૂર થાય છે. તેનાથી અન્ય કેટલાય ઇન્ફેક્શનથી બચી શકાય છે.

2. આંખનો થાક દૂર કરે છે

દેશી ઘીથી માલિશ કરવાથી આંખનું સ્વાસ્થ્ય સુધરે છે. રાત્રે સૂતા પહેલા આંખો પર દેશી ઘી ગોળ ગતિમાં લગાવવાથી આંખનો થાક દૂર થાય છે અને ડાર્ક સર્કલથી પણ છુટકારો મળે છે. તેનાથી આંખોને ઘણો ફાયદો થાય છે.

3. ચહેરા પરથી ડાઘ-ધબ્બા દૂર કરો

શરીર પર દેશી ઘી લગાવવાથી ચહેરા પરના ડાઘ અને ધબ્બાથી છુટકારો મેળવી શકાય છે. નિષ્ણાતો શિયાળામાં નિયમિતપણે ચહેરા પર દેશી ઘી લગાવવાની સલાહ આપે છે. તેનાથી ડાર્ક સર્કલ, ડાર્ક સ્પોટની સમસ્યા દૂર થાય છે અને ત્વચાને પોષણ મળે છે. દેશી ઘી ત્વચાને ચમકદાર બનાવે છે. તે વૃદ્ધત્વના લક્ષણોને પણ ઘટાડે છે.

4. ફાટેલા હોઠથી રાહત આપશે

શિયાળાની ઋતુમાં હોઠ ફાટવાની સમસ્યા જોવા મળે છે. જો હોઠ ફાટી ગયા હોય તો ઠંડા વાતાવરણમાં રાત્રે હોઠ પર દેશી ઘી લગાવો. તેનાથી હોઠ મુલાયમ થશે અને તેમની શુષ્કતા દૂર થઈ જશે.

5. સ્નાયુઓને આરામ, રોગપ્રતિકારક શક્તિને મજબૂત બનાવે

શિયાળામાં દેશી ઘીથી માલિશ કરવાથી સ્નાયુઓને આરામ મળે છે અને દુખાવો ઓછો થાય છે. દેશી ઘી રોગપ્રતિકારક શક્તિને મજબૂત બનાવે છે અને શરીરને રોગો સામે લડવામાં મદદ કરે છે.

તે શરીરને આરામ આપે છે.