પોરબંદરની ઓરીએન્ટ ફેકટરી પાછળ ખુંખાર દીપડાને વનવિભાગની ટીમે પકડી પાડયો હતો.
પોરબંદરના ઉદ્યોગનગર વિસ્તારમાં આવેલી ઓરિએન્ટ ફેકટરી પાછળ વાડી વિસ્તારમાં બપોરના સમયે એક ખુંખાર દીપડો નજરે ચડતા આ વિસ્તારના લોકો ભયમાં મુકાઇ ગયા હતા. અને જંગલખાતાને જાણ કરતા વનવિભાગે તે વિસ્તારમાં પાંજરુ મુકયુ હતુ અને રાત્રિના સમયે દીપડો પાંજરે પુરાયો ત્યારે સ્થાનિકોએ રાહતનો શ્ર્વાસ લીધો હતો. પોરબંદર વન વિભાગ ટીમના સભ્યો આ કામગીરીમાં રોકાયેલા હતા જેમાં ડી.એફ.ઓ. લોકેશ ભારદ્વાજના માર્ગદર્શન હેઠળ આર.એફ.ઓ. સામત ભમ્મર, પોરબંદર વનવિભાગની ટીમના મહેન્દ્રભાઇ ચૌહાણ, પ્રતીક ઓડેદરા, મનીષ ગરચર અને મુન્નાબાપુ સહિતની ટીમ આ કામગીરીમાં રોકાઇ હતી.