દેવભૂમિ દ્વારકા જિલ્લાના ખંભાળિયા તાલુકા ભાજપ મંડળના અધ્યક્ષ તરીકે ખંભાળિયા તાલુકાના આદર્શ ગામ કેશોદના કર્તવ્યનિષ્ઠ, કર્મશીલ અને જનસેવામાં સદૈવ સમર્પિત સરપંચ પરિવારના કશ્યપભાઈ આહિરની નિમણૂક કરવામાં આવી છે. તેમની આ વરણીથી સ્થાનિક કાર્યકર્તાઓમાં ઉત્સાહ જોવા મળી રહ્યો છે. સાથે સાથે પાર્ટી કાર્યકરોએ આ નિર્ણયને આવકારી, કશ્યપભાઈ આહિરને શુભકામનાઓ પાઠવી હતી. કશ્યપ અહિરના નેતૃત્વમાં ભાજપનું સંગઠન વધુ મજબૂત બનશે અને કાર્યકર્તાઓમાં નવી ઊર્જા અને સંકલ્પનો સંચાર થશે, તેવો વિશ્વાસ વ્યક્ત કરવામાં આવ્યો હતો.