જામનગરમાં ગઇકાલે ફાગણ વદ-૪ ને ર૯/૩ ના શુક્રવારના રોજ પટેલ કોલોની ખાતે શંખેશ્ર્વર પાર્શ્ર્વનાથ જૈન સંઘ ખાતે ચ્યવન અને કેવળજ્ઞાન કલ્યાણ મહોત્સવ પૂ.પં.વજ્રસેન વિજય મહારાજના લઘુ ગુરુબંધુ અને પૂ.આ.હેમપ્રભસુરીશ્ર્વરજી મહારાજના શિષ્ય તથા ગણીવર્ય હેમતિલક વિજયજી મ.સા., મુનિરાજ હેમવર્ધન વિજયજી મ.સા.ની નિશ્રામાં સવારે ૬.૩૦ વાગ્યે અભિષેકની સાથે પૂજા કરવામાં આવી હતી તથા પ્રભુજીને ૧૦૮ પ્રદક્ષિણા ફરવામાં આવી હતી, રાત્રે ૮.૩૦ કલાકે ભાવના સંગીતકાર મહેક શેઠ દ્વારા કરાવવામાં આવી હતી. પ્રભુ પાર્શ્ર્વનાથના કલ્યાણક મહોત્સવ નિમિણે પટેલ કોલોની તથા જામનગરના જૈન-જૈનતરોએ બહોળી સંખ્યામાં દર્શન, પૂજા, ભાવનાનો લાભ લઇ ધન્યતા અનુભવી હતી.