આદર્શ આચારસંહિતાના પરિણામે

જામનગર જિલ્લા અને તાલુકા કક્ષાના જાન્યુઆરી મહિનાના સ્વાગત ફરિયાદ નિવારણ કાર્યક્રમો નહીં યોજાય

રાજ્ય ચૂંટણીપંચ દ્વારા સ્થાનિક સ્વરાજ્યની સંસ્થાઓની ચૂંટણીઓ યોજવાની જાહેરાત કરવામાં આવી છે. આ જાહેરાત સાથે જ આદર્શ ચૂંટણી આચારસંહિતા અમલમાં આવી છે. જેને અનુલક્ષીને જાન્યુઆરી મહિનાનો તાલુકા, જિલ્લા અને રાજ્યકક્ષાનો સ્વાગત ઓનલાઇન જન ફરિયાદ નિવારણ કાર્યક્રમ ન યોજવા બાબતે સુચના થઇ આવેલ છે. જે ધ્યાને લઇને જાન્યુઆરી-૨૦૨૫ મહિનાના જિલ્લા-તાલુકા તથા રાજય "સ્વાગત" કાર્યક્રમ યોજાશે નહી.  માટે જામનગરમાં પણ તાલુકા અને જિલ્લા કક્ષાના સ્વાગત ફરિયાદ નિવારણ કાર્યક્રમો યોજવામાં આવશે નહીં. તેમ નિવાસી અધિક કલેક્ટરશ્રી બી.એન.ખેરની યાદીમાં જણાવવામાં આવ્યું છે.