ભારતીય સ્પેસ એજન્સી ઈસરોએ ઈલોન મસ્કની કંપની સ્પેસએકસ સાથે કરાર કર્યેા છે જેમાં ઈસરોના ૪.૭ ટનના સેટેલાઈટ જીસેટ–૨૦ કે જેનું ટૂંક સમયમાં જ નવું નામ જીસેટ એન૨ રાખવામાં આવશે અને તે સ્પેસએકસના ફાલ્કન–૯ રોકેટ દ્રરા લોન્ચ કરવામાં આવશે. આ સેટેલાઈટને આ વર્ષના બીજા કવાર્ટરમાં લોન્ચ કરવાની યોજના છે.
ભારતીય સ્પેસ એજન્સીની વ્યાપારી શાખા ન્યૂ સ્પેસ ઈન્ડિયા લિ.એ ગઈકાલે એક નિવેદનમાં જણાવ્યું હતું કે આ વધારે ક્ષમતા વાળા સેટેલાઈટનો હેતુ ભારતના બ્રોડબેન્ડ કમ્યુનિકેશનને પ્રોત્સાહન આપવાનો છે, ખાસ કરીને દેશના એવા વિસ્તારોમાં કે યાં હજુ પણ બ્રોડબેન્ડથી અનકનેકટેડ છે. આ સેટેલાઈટનું  વજન ૪,૭૦૦ કિગ્રા છે, જે ઈસરોની વર્તમાન સર્વેાચ્ચ અવકાશયાન પ્રક્ષેપણ ક્ષમતા ૪,૦૦૦ કિગ્રા કરતાં વધુ છે. ઈસરો પાસે હાલમાં સૌથી વધુ ક્ષમતાવાળા રોકેટ જીએસએલવી–એમકે ૩ છે જે ૪ હજાર કિલો વજનના સેટેલાઈટને જીઓસિંક્રોનસ ટ્રાન્સફર ઓર્બિટમાં લઈ જઈ શકે છે. જીસેટ–૨૦નું વજન આ ક્ષમતા કરતા ૭૦૦ કિલો વધુ છે. આ જ કારણ છે કે ઈલોન મસ્કની સ્પેસ એજન્સી સ્પેસએકસની સેવાઓ પ્રથમવાર લેવામાં આવી રહી છે. ફાલ્કન–૯ રોકેટ ૮,૩૦૦ કિલોગ્રામ વજનના સેટેલાઇટને જીટીઓ સુધી પહોંચાડી શકે છે. ભારતીય સ્પેસ એજન્સી ઈસરોએ લાંબા સમય સુધી વિદેશી રોકેટ પર નિર્ભર રહેવું પડશે નહીં. કેમકે હાલના રોકેટની ક્ષમતા કરતા આગળ વધીને નેકસ્ટ જનરેશન લોન્ચ વ્હીકલ વિકસાવવામાં વ્યસ્ત છે. એવું કહેવામાં આવી રહ્યું છે કે એનજીએલવી પાસે ૧૦ હજાર કિલો વજનના સેટેલાઈટ અથવા ઉપકરણોને જીટીઓ સુધી લઈ જવાની ક્ષમતા હશે.