ગાઝા અને લેબનોન પર તબાહી મચાવ્યા બાદ હવે ઈઝરાયલે સીરિયામાં તબાહી મચાવી દીધી છે. ઈઝરાયેલે સીરિયા પર ઈતિહાસનો સૌથી મોટો હુમલો કર્યો છે. બશર અલ-અસદ દેશ છોડીને ભાગી ગયા પછી ઇઝરાયેલની વાયુસેનાએ સમગ્ર સીરિયામાં જોરદાર બોમ્બમારો કર્યો છે. લગભગ 250 હવાઈ હુમલાઓએ સીરિયાના સૈન્ય મથકોને નષ્ટ કરી દીધા છે.
ઈઝરાયેલની પાયદળ સેના પણ સીરિયામાં ઘુસી ગઈ છે. ઈઝરાયેલના સૈનિકો સીરિયાની રાજધાની દમાસ્કસથી લગભગ 25 કિલોમીટર દૂર દક્ષિણ-પશ્ચિમ વિસ્તારમાં પહોંચી ગયા છે. ઇઝરાયેલી સૈનિકો કતાના પહોંચી ગયા છે. આ વિસ્તાર ગોલાન હાઇટ્સના સીરિયન વિસ્તારથી લગભગ 10 કિમી દૂર છે.
અલ જઝીરાએ પોતાના રિપોર્ટમાં કહ્યું છે કે ઈઝરાયેલે ઈતિહાસમાં સીરિયા પર સૌથી મોટો હુમલો કર્યો છે. ઈઝરાયેલે હવાઈ હુમલામાં સીરિયન આર્મીના ત્રણ એરબેઝ અને અન્ય વ્યૂહાત્મક મથકોને નષ્ટ કરી દીધા છે.
ઇઝરાયેલના એક સુરક્ષા સૂત્રએ ઇઝરાયેલ આર્મી રેડિયોને જણાવ્યું કે ઇઝરાયલી દળોએ સીરિયામાં 250 થી વધુ લક્ષ્યો પર હુમલો કર્યો છે. તેમાં કહેવામાં આવ્યું છે કે દેશની વાયુસેનાના ઈતિહાસમાં આ સૌથી મોટો હુમલો છે. ઈઝરાયેલ સીરિયાની રાજધાની દમાસ્કસ પર સતત હવાઈ હુમલાઓ કરી રહ્યું છે. હુમલા બાદ દમાસ્કસમાં ઘણી જગ્યાએ આગ પણ ફાટી નીકળી હતી.
સીરિયન સિવિલ ડિફેન્સે કહ્યું કે ઈઝરાયેલે હુમલામાં વૈજ્ઞાનિક સંશોધન કેન્દ્રોને નિશાન બનાવ્યા. દરમિયાન દમાસ્કસમાં ઝેરી ગેસની અફવા સોશિયલ મીડિયા પર ફેલાઈ હતી. જોકે સિવિલ ડિફેન્સે સ્પષ્ટતા કરી છે કે આવું નથી.
ઈઝરાયેલના વડાપ્રધાન બેન્જામિન નેતન્યાહુએ કહ્યું કે દાયકાઓ જૂનો કરાર તૂટી ગયો છે. સીરિયન સૈનિકોએ પીછેહઠ કરી છે. જેના કારણે ઈઝરાયેલ પર નિયંત્રણ જરૂરી બની ગયું છે. તેમણે કહ્યું કે અમે કોઈપણ દુશ્મન શક્તિને અમારી સરહદમાં પ્રવેશવા નહીં દઈએ.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech