બેંગ્લોરથી વારાણસી જઈ રહેલી ઈન્ડિગો ફ્લાઈટ (6E897)નું ઈમરજન્સી લેન્ડિંગ કરવામાં આવ્યું હતું. ફ્લાઈટમાં 137 મુસાફરો સવાર હતા. તેલંગાણાના શમશાબાદ એરપોર્ટ પર મંગળવારે સવારે 6:15 વાગ્યે ટેક્નિકલ ખામીના કારણે ફ્લાઈટનું ઈમરજન્સી લેન્ડિંગ કરવું પડ્યું હતું.

ડીજીસીએના જણાવ્યા અનુસાર ફ્લાઇટમાં સવાર તમામ મુસાફરો સુરક્ષિત છે. ઈન્ડિગોની ફ્લાઈટ 6E 897 મંગળવારે સવારે 5:10 વાગ્યે નીકળી હતી. આ ફ્લાઈટ બેંગ્લોરથી વારાણસી જઈ રહી હતી.

આ પહેલા 1 એપ્રિલના રોજ દિલ્હીથી દુબઈ જતા કાર્ગો પ્લેન પક્ષી સાથે અથડાયું હતું. આ પછી, એલર્ટ જારી કર્યા પછી, તેને દિલ્હી એરપોર્ટ પર પાછો લાવવામાં આવ્યો. તપાસ દરમિયાન જાણવા મળ્યું કે પક્ષી અથડાવાને કારણે પ્લેનની વિન્ડશિલ્ડમાં તિરાડ પડી હતી. જોકે, થોડા સમય બાદ પ્લેન ફરી ટેક ઓફ થયું હતું.