યુપીના બરેલીમાં ભગવાન શ્રી રામ પર અભદ્ર ટિપ્પણી કરનાર વ્યક્તિની ધરપકડ કરવામાં આવી છે. આરોપીએ ફેસબુક પર રીલ બનાવીને સોશિયલ મીડિયા પર વાયરલ કરી હતી. આ વીડિયો લોકોની નજરમાં આવતા જ વાતાવરણ ગરમાયું હતું. જે બાદ પોલીસે કાર્યવાહી હાથ ધરી હતી.

કહેવામાં આવી રહ્યું છે કે વીડિયો વાયરલ કરનાર યુવકનું નામ રેહાન અંસારી છે. તે મુડિયા અહમદનગર વિસ્તારનો રહેવાસી છે. તેનો વીડિયો જોઈને લોકો ગુસ્સે થઈ ગયા. પોલીસે કેસ નોંધીને તપાસ શરૂ કરી, ટૂંક સમયમાં જ રેહાન પકડાઈ ગયો. હાલમાં બરેલી પોલીસે તેની ધરપકડ કરીને જેલમાં મોકલી દીધો છે.

અગાઉ શીશગઢમાં હંગામો થયો હતો

થોડા દિવસો પહેલા બરેલીના શીશગઢ પોલીસ સ્ટેશન વિસ્તારમાં પણ આવો જ એક કિસ્સો સામે આવ્યો હતો. ત્યારે કેટલાક વિદ્યાર્થીઓની પરસ્પર વાતચીત અને ધાર્મિક લાગણી દુભાવવાનો ઓડિયો વાયરલ થયો હતો. જેના કારણે વિસ્તારની સ્થિતિ એટલી હદે બગડી ગઈ કે બરેલી પોલીસે લગભગ 4-500 લોકો સામે કેસ દાખલ કરવો પડ્યો.

હજુ આ મામલો થાળે પડ્યો ન હતો કે ઇજ્જત નગર પોલીસ સ્ટેશન વિસ્તારમાંથી વધુ એક નવો કેસ સામે આવ્યો. જોકે પોલીસની સતર્કતાને કારણે સમયસર પરિસ્થિતિ કાબૂમાં આવી હતી. હાલ આ વિસ્તારમાં શાંતિ જળવાઈ રહી છે