જામનગરમાં વોર્ડ નંબર -૪ માં  પ્લોટ વિસ્તારમાં ગેસની પાઇપલાઇન ની કામગીરી માટે ખાડા ખોદવામાં આવ્યા હતા, પરંતુ તંત્રની બેદરકારીને કારણે ખાડાઓ સરખી રીતે બુરવામાં આવ્યા ન હોવાને કારણે માથાના દુ:ખાવા સ્વરૂપ બન્યા છે. જેમાં પેચવર્ક કરવાનું બાકી રહી ગયું હોવાથી અનેક વાહન ચાલકો ફસાય છે.

દરમિયાન આજે સવારે ઉપરોક્ત વિસ્તારમાં રેતી ભરેલો જીજે ૧૦ ડી.યુ. ૨૯૯૮ નંબરનો ટ્રક આવાજ એક ખાડામાં ફસાયો હતો, જેને બહાર કાઢવા માટે ભારે જહેમત લેવી પડી હતી, અને જેસીબી ની મદદ વડે આખરે રેતી ભરેલા ડમ્પરને બહાર કાઢવામાં આવ્યું હતું.

આગામી ચોમાસાના દિવસો દરમિયાન જો અહીં પેચવર્ક કરવામાં નહીં આવે, તો લોકોની હાલત વધુ કફોડી બનશે. તે પહેલાં તંત્રએ જાગૃત બનીને આ સમસ્યાને દૂર કરવાની લોક માંગણી ઉઠી રહી છે.