વાંકાનેર નગરપાલિકા દ્વારા શહેરના જર્જરીત મકાનો, દુકાનોનો સર્વે હાથ ધરાયો હતો. સર્વેની કામગીરી દરમ્યાન શહેરના ગ્રીન ચોક વિસ્તારમાં આવેલ ગઢની રાંગ ખાતે પાલિકાની જગ્યામાં ચાલી રહેલ ગેરકાયદેસર બાંધકામ ચીફ ઓફીસર ગિરીશભાઈ સરૈયાના ધ્યાન પર આવતા દબાણકર્તા પાલિકા ટીમ તથા પોલીસને સાથે રાખી દબાણ હટાવવાની કામગીરી હાથ ધરવામાં આવી હતી. 
​​​​​​​
ઉપરાંત જાહેર માર્ગો પર તથા જીનપરા જકાત નાકા પાસે દબાણકર્તા સ્થળ પર જ નોટીસ આપવામાં આવી હતી. આ કામગીરીમાં નગરપાલિકાના ચીફ ઓફીસર ગિરીશ સરૈયા, એન્જીનીયર મહેશભાઈ ચૌહાણ, હેડ કલાર્ક હાર્દિકભાઈ સરૈયા, સેનેટરી ઈન્સ્પેકટર નવિનભાઈ તથા અન્ય સ્ટાફ જોડાયો હતો.  જે દબાણકર્તાઓને નોટીસો ફટકારવામાં આવી છે તેમને દબાણો દૂર કરવા આદેશ આપવામાં આવ્યો હતો.