​​​​​​​શું ક્યારેય બ્રશ કરતી વખતે જીભમાંથી લોહી નીકળે છે? જો હા તો તે ચિંતાનો વિષય છે, તે કોઈ આંતરિક સમસ્યાનો સંકેત હોઈ શકે છે. આપણી જીભ ખૂબ જ સંવેદનશીલ છે અને ઈજા, પોષણની ઉણપ અથવા અન્ય સ્વાસ્થ્ય સમસ્યાઓ જેવા ઘણા કારણોસર રક્તસ્ત્રાવ થઈ શકે છે. બ્રશ કરતી વખતે જીભમાંથી લોહી કેમ નીકળે છે અને તેની પાછળના કારણો શું હોઈ શકે છે. તેને કેવી રીતે અટકાવી શકાય.

ફોલ્લીઓ

આપણી જીભ પેપિલીથી ઢંકાયેલી હોય છે. જમતી વખતે અથવા બોલતી વખતે અથવા બ્રશ કરતી વખતે આકસ્મિક રીતે જીભમાં બટકું ભરાઈ જતા રક્તસ્રાવ થઈ શકે છે. ખાદ્ય પદાર્થો- એસિડિક ખોરાક જેમ કે અનેનાસ, મોંના પીએચ સંતુલનને બગાડે છે અને જીભને નુકસાન પહોંચાડે છે. મસાલેદાર ખોરાક જીભના નાજુક પડને પણ નુકસાન પહોંચાડી શકે છે.

મોઢાના ચાંદા

મોઢાના ચાંદા પીડાદાયક ચાંદા છે જે જીભ પર રક્તસ્રાવનું કારણ બની શકે છે. આ ચાંદા સામાન્ય રીતે કોઈપણ સારવાર વિના મટાડી શકાય છે.

ફંગલ અથવા ચેપ

ઓરલ થ્રશ એ ફંગલ ઇન્ફેક્શન છે. જે જીભમાંથી લોહી નીકળવાનું કારણ બને છે અને  તેના લક્ષણોમાં સફેદ ચાંદા, લાલાશ, બળતરાનો સમાવેશ થાય છે.

ઓરલ હર્પિસ

ઓરલ હર્પીસ પ્રવાહીથી ભરેલા ફોલ્લાઓનું કારણ બને છે, જે ફાટવાથી લોહી નીકળે છે. તેની સારવાર એન્ટિવાયરલ દવાઓથી કરી શકાય છે.

પોષણની ખામી

આયર્ન અથવા વિટામિન B12 ની ઉણપને કારણે પણ જીભમાંથી લોહી નીકળે છે. આ ઉણપ જીભને નબળી અને સંવેદનશીલ બનાવી શકે છે.

જીભમાં હેમેન્ગીયોમા

તે એક નરમ જખમ છે, જેમાં જીભની રક્તવાહિનીઓ અસામાન્ય રીતે મોટી થઈ જાય છે. તે કોઈપણ ઈજાને કારણે ફાટી શકે છે અને લોહી નીકળી શકે છે.

રક્તસ્રાવ જીભની સારવાર

 ઘાવ પર દબાણ કરો: ઓછામાં ઓછા 15 મિનિટ સુધી સ્વચ્છ કપડા વડે ઘાવ દબાણ કરો. આ રક્તસ્રાવ બંધ કરી શકે છે.

 બરફનો ઉપયોગ કરો: બરફના ટુકડાને કપડામાં લપેટીને જીભ પર લગાવો. ઠંડા તાપમાન રક્તવાહિનીઓને સંકુચિત કરે છે અને રક્તસ્રાવ બંધ કરે છે.

 હળવો ખોરાક લો: મસાલેદાર અને એસિડિક ખોરાક ટાળો. આ ઘાવને મટાડવામાં મદદ કરશે.

 બ્લેક ટી બેગ: બ્લીડિંગ થતું હોય એ જગ્યા પર બ્લેક ટી બેગ મુકવાથી બ્લીડિંગ બંધ થઈ શકે છે કારણકે તેમાં ટેનીન હોય છે, જે ક્લોટ બનાવવામાં મદદ કરે છે.