ભારતીય ક્રિકેટ કંટ્રોલ બોર્ડ (BCCI)ના સચિવ જય શાહ તાજેતરમાં ICCના અધ્યક્ષ તરીકે ચૂંટાયા હતા. તે ગ્રેગ બાર્કલીનું સ્થાન લેશે. જય શાહનો કાર્યકાળ 1 ડિસેમ્બરથી શરૂ થશે.

આવી સ્થિતિમાં ચાહકોના મનમાં સવાલ ઉઠવા લાગ્યો છે કે હવે જય શાહનો પગાર કેટલો હશે? તેને બીસીસીઆઈ પાસેથી કેટલો પગાર મળ્યો? તેનો પગાર કેટલો વધ્યો છે? તેમજ ICC ચેરમેન બન્યા બાદ જય શાહની શક્તિ કેટલી વધી?

BCCI સેક્રેટરી તરીકે જય શાહને નિયમિત પગાર મળતો નથી. તે "માનદ" પદ ધરાવે છે. પ્રમુખ, ઉપપ્રમુખ અને ખજાનચી માટે પણ આ જ લાગુ પડે છે. તેમાંથી કોઈને માસિક પગાર મળતો નથી. જોકે, તેમને ભથ્થા અને અન્ય સુવિધાઓ મળે છે.

શાહને આંતરરાષ્ટ્રીય ક્રિકેટ મીટિંગ્સ અથવા પ્રવાસોમાં હાજરી આપવા માટે દરરોજ લગભગ 84,000 રૂપિયા ચૂકવવામાં આવે છે. તેને ભારતમાં મીટિંગ માટે અને બિઝનેસ ક્લાસમાં મુસાફરી કરવા માટે દરરોજ 40,000 રૂપિયા મળે છે.

ICC તરફથી પણ પગાર નહીં મળે

જય શાહ હવે ICCના અધ્યક્ષ બની ગયા છે. આવી સ્થિતિમાં તેમના ભથ્થામાં કોઈ ફેરફાર થશે નહીં. બીસીસીઆઈની જેમ આઈસીસીના ઉચ્ચ અધિકારીઓને કોઈ પગાર મળતો નથી. ભથ્થા સિવાય તેમને અનેક પ્રકારની સુવિધાઓ આપવામાં આવે છે.