કેબિનેટ સચિવ કેન્દ્ર સરકારે વરિષ્ઠ IAS અધિકારી ટીવી સોમનાથનને નવા કેબિનેટ સચિવ તરીકે નિયુક્ત કર્યા છે. શનિવારે કેન્દ્રીય કેબિનેટની નિમણૂક સમિતિએ આ સંદર્ભમાં આદેશ જારી કર્યો હતો. આદેશ મુજબ તેમને બે વર્ષના કાર્યકાળ માટે ભારતના કેબિનેટ સચિવ તરીકે નિયુક્ત કરવામાં આવ્યા છે. તેમનો કાર્યકાળ 30 ઓગસ્ટથી શરૂ થશે. 

વરિષ્ઠ IAS અધિકારી ટીવી સોમનાથનને શનિવારે રાજીવ ગૌબાના સ્થાને કેબિનેટ સચિવ નિયુક્ત કરવામાં આવ્યા હતા. સમાચાર એજન્સી પીટીઆઈ અનુસાર, સોમનાથન, તમિલનાડુ કેડરના 1987-બેચના IAS અધિકારી હાલમાં કેન્દ્રીય નાણાં સચિવ અને ખર્ચ સચિવ તરીકે સેવા આપી રહ્યા છે.

તેમની નિમણૂક અંગે જારી કરાયેલા સત્તાવાર આદેશમાં કહેવામાં આવ્યું છે કે કેબિનેટની નિમણૂક સમિતિએ 30 ઓગસ્ટ 2024થી અમલમાં આવતા બે વર્ષના કાર્યકાળ માટે કેબિનેટ સચિવ તરીકે IAS શ્રી ટીવી સોમનાથનની નિમણૂકને મંજૂરી આપી છે.