ઉપલેટા પંથકમાં છેલ્લા પાંચ દિવસથી વરસાદ વરસ્યા બાદ ગઈકાલે વધુ ૨ થી ૬ ઈંચ વરસાદ વરસતા ખેડૂતોના પાકને ભારે નુકસાની થવા પામી હતી.  ગઈકાલે બપોરે ત્રણ વાગ્યા બાદ ભારે વરસાદ વરસતા તાલુકાના ઢાંક ગામે બે કલાકમાં ૬ ઈંચ વરસાદ થતાં ગામમાં અને ખેતરોમાં પાણી પાણી થઈ ગયા હતા. ભારે પાણીને કારણે ખેડૂતોના ખેતરમાં પડેલી તૈયાર મગફળી પાણીમાં તણાઈ ગઈ હતી. જયારે નાગવદર ગામે સમઢીયાળા, કાથરોટામાં ચાર ઈંચ, રબારીકામાં ત્રણ ઈંચ, ભાંખમાં ૨ ઈંચ વરસાદ વરસતા ઉપલેટા પંથકમાં ૨ થી ૬ ઈંચ પાણી પડી જતાં ખેતરોમાં ઉભા પાકને ભારે નુકસાન થયું છે. જયારે ગધેપર પાસે આવેલ વેણુ ડેમમાં પાણીની આવક થતાં ડેમના પાંચ દરવાજા અઢી ફત્પટ ખોલવામાં આવ્યા હતા