સૌરાષ્ટ્રમાં અમરેલી ભાવનગર અને ગીર સોમનાથ, ઉત્તર ગુજરાતમાં પંચમહાલ દાહોદ, દક્ષિણ ગુજરાતમાં વડોદરા છોટાઉદેપુર નર્મદા ભરૂચ સુરત ડાંગ નવસારી વલસાડ તાપી દમણ દાદરા નગર હવેલી વિસ્તારમાં ગાજવીજ અને તોફાની પવન સાથે માવઠાની ચેતવણી હવામાન ખાતા દ્વારા આપવામાં આવી છે.

હવામાન ખાતાના જણાવ્યા મુજબ મહારાષ્ટ્રમાં લોઅર લેવલે સર્જાયેલા ટ્રફ અને અરબી સમુદ્ર તથા બંગાળની ખાડીમાંથી ફૂકાઈ રહેલા ભેજવાળા પવનના કારણે ગુજરાત સહિત દેશના અનેક રાજ્યોમાં વરસાદી માહોલ ઉભો થયો છે. આવતીકાલે પણ ગુજરાતમાં અનેક જગ્યાએ વરસાદ માટેની આગાહી કરવામાં આવી છે. આ બે દિવસ દરમિયાન ગુજરાતમાં પ્રતિ કલાકના ૩૦થી ૪૦ કિ.મી ઝડપે પવન ફૂંકાવાની પણ ચેતવણી આપવામાં આવી છે.

એક બાજુ માવઠાની આગાહી કરવામાં આવે છે તો બીજી બાજુ પોરબંદર ગીર સોમનાથ અને દીવમાં આજે હીટ વેવનું યલ્લો એલર્ટ પણ આપવામાં આવ્યું છે. અમદાવાદ અમરેલી વડોદરા ગાંધીનગર પોરબંદર અને રાજકોટમાં સોમવારે મહત્તમ તાપમાન નો પારો 40 ડિગ્રીને પાર કરી ગયો છે. સમગ્ર રાજ્યમાં સૌથી ઊંચું તાપમાન રાજકોટમાં ગઈકાલે 41.1 ડીગ્રી નોંધાયું હતું અમરેલીમાં 40.1 પોરબંદરમાં 40 અમદાવાદમાં 40 અમરેલીમાં 40.1 વડોદરામાં 40.2 ડિગ્રી મહત્તમ તાપમાન નોંધાયું હતું. જ્યારે ગાંધીનગરમાં 40 ડિગ્રી મહત્તમ તાપમાન રહ્યું હતું.

સૌરાષ્ટ્રના અન્ય શહેરોના મહત્તમ તાપમાનની વાત કરીએ તો ભાવનગરમાં 38.8 ભુજમાં 39.6 દ્વારકામાં 30.8 જામનગરમાં 35.8 કંડલામાં 38 નલિયામાં 39 ઓખામાં 32.4 વેરાવળમાં 37.8 ડિગ્રી મહત્તમ તાપમાન રહ્યું હતું.દરિયાકાંઠાના વિસ્તારોમાં આજે પણ ભેજનું પ્રમાણ વધી ગયું છે. દમણમાં 72 દ્વારકામાં 86 ઓખામાં 81 પોરબંદરમાં 47 સુરતમાં 70 અને વેરાવળમાં 70% ભેજ આજે સવારે નોંધાયો છે.