રાજકોટરોડ પરના સરિતા શોપિંગ સેન્ટરની દુકાનો અંગે ગત સપ્તાહે હાઇકોર્ટ દ્વારા મહાનગરપાલિકાની તરફેણમાં થયેલા આદેશન પગલે મ્યુ. ના ટાઉનપ્લાનિંગ ડેવલપમેન્ટ વિભાગ દ્વારા દુકાનોના આસામીઓને બાંધકામ દૂર કરવા અપાયેલી નોટીસની મુદત પૂર્ણ થાય તે પૂર્વે જ આસામીઓએ પુનઃ હાઇકોર્ટની દાદ માંગતા ગઈકાલે વધુ એક મુદત પડતા હવે આવતા સપ્તાહે હીયરિંગ હાથ ધરાનાર હોવાનું મ્યુ.તંત્રના સૂત્રોએ જણાવ્યું હતું.

શહેરના રાજકોટ રોડ પર આવેલા સરીતા શોપિંગ સેન્ટરની ૪૪દુકાનો તોડી પાડવા કાર્યવાહી હાથ ધરી દુકાનધારકોને નોટીસ ફટકરવામાં આવી હતી. જેને લઈ દુકાનદારોએ હાઇકોર્ટની દાદ માંગી હતી. જોકે કોર્ટે મહાપાલિકા તંત્રની તરફેણમાં નિર્ણય જાહેર કરતા મ્યુ. ના ટાઉનપ્લાનિંગ ડેવલપમેન્ટ વિભાગ દ્વારા તમામ ૪૪ દુકાનધારકોને બાંધકામ દૂર કરવા નવેસરથી ફટકારાયેલી નોટીસની મુદત પૂર્ણ થતા તમામ ૪૪દુકાનોના ધારકોએ પુનઃ હાઇકોર્ટની દાદ માંગી હતી.જેમાં ગઈકાલે હાઇકોર્ટમાં હાથ ધરવામાં આવેલા પૂર્વે જ હાઇકોર્ટ દ્વારા આગામી તારીખ ૬-૧-૨૦૨૩ના રોજ હીયરિંગ માટે નિયત કરવામાં આવી હોવાનું મહાપાલિકાના ટાઉનપ્લાનિંગ ડેવલપમેન્ટ વિભાગના અધિકારી વાઢવાણીયાએ જણાવી આવતા સપ્તાહે થનારા હીયરિંગ બાદ શોપિંગ સેન્ટરની ૪૪દુકાનો અંગેની કાર્યવાહી હાથ ધરાશે તેમ જણાવ્યું હતું.