હર્ષદ ગાંધવી ખાતે ચોરી થયેલ શિવલિંગ શોધી પૂજારીને સોંપ્યું

March 03, 2025 12:16 PM

દેવભૂમિ દ્વારકા જિલ્લાના હર્ષદ (ગાંધવી) સ્થિત પ્રાચીન ભીડભંજન ભવાનીશ્વર મહાદેવ મંદિરમાંથી ચોરાયેલું શિવલિંગ પોલીસે શોધી કાઢ્યું છે. શિવરાત્રી પહેલા મંદિરમાંથી શિવલિંગની સુનિયોજિત ચોરી થઈ હતી. દેવભૂમિ દ્વારકા જિલ્લા પોલીસે માત્ર બે દિવસમાં કેસ ઉકેલી નાખ્યો હતો.

પોલીસે હિંમતનગરના એક ગામમાંથી આ ચોરીમાં સંડોવાયેલા ૧૧ આરોપીઓની ધરપકડ કરી હતી.ગ્રામજનો અને શિવભક્તોની હાજરીમાં શિવલિંગ મંદિરના પૂજારીને સોંપવામાં આવ્યું. આગામી દિવસોમાં વિધિવત રીતે શિવલિંગની પુન:સ્થાપના કરવામાં આવશે. આ સફળ કામગીરીમાં જિલ્લા પોલીસ વડા નિતેશ પાંડેય, ડીવાયએસપી સાગર રાઠોડ અને ડો. હાર્દિક પ્રજાપતિનું મહત્વનું યોગદાન રહ્યું છે. જિલ્લાની એલસીબી, એસઓજી વિભાગ અને કલ્યાણપુર પોલીસ સ્ટેશનના પીએસઆઈ ઉષાબેન અખેડની પણ મહત્વની ભૂમિકા રહી છે. પોલીસની ઝડપી અને અસરકારક કામગીરીની સર્વત્ર પ્રશંસા થઈ રહી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

હર્ષદ ગાંધવી ખાતે ચોરી થયેલ શિવલિંગ શોધી પૂજારીને સોંપ્યું

Recent News

Gujarat's No. 1 evening newspaper