ગુજરાત સરકારે વર્ષ 2023 દરમિયાન ભ્રષ્ટાચાર અને ગેરરીતિ સામે કડક કાર્યવાહી કરી છે. તકેદારી આયોગની ભલામણોને પગલે સરકારે કુલ 471 અધિકારી-કર્મચારીઓ સામે શિક્ષાત્મક પગલાં લીધાં છે.

આ પગલાંમાં વર્ગ-1ના 108 અધિકારીઓ, વર્ગ-2ના 190 અધિકારીઓ અને વર્ગ-3ના 167 કર્મચારીઓનો સમાવેશ થાય છે.

શિક્ષાત્મક પગલાંની વિગતો:

ફરજ મોકૂફી (સસ્પેન્શન): વર્ગ-1ના 6, વર્ગ-2ના 9 અને વર્ગ-3ના 7 અધિકારી-કર્મચારીઓ સામે ફરજ મોકૂફી અથવા સસ્પેન્શન જેવી કાર્યવાહી કરવામાં આવી છે.

પેન્શન કાપ: વર્ગ-1ના 73, વર્ગ-2ના 119 અને વર્ગ-3ના 85 અધિકારી-કર્મચારીઓ સામે પેન્શન કાપની કાર્યવાહી કરવામાં આવી છે.

નાની સજા: વર્ગ-1ના 29, વર્ગ-2ના 62 અને વર્ગ-3ના 75 અધિકારી-કર્મચારીઓને નાની સજા કરવામાં આવી છે.