મગફળી અને કપાસના પાક ઉપર કાચું સોનું વરસ્યું

જામનગર જિલ્લામાં લગભગ ત્રણ અઠવાડીયાથી મેઘરાજાએ વિરામ રાખ્યા બાદ ગઇકાલે બપોર બાદ ટેભડા ગામમાં મેઘરાજાએ વિજળીના ભારે કડાકા ભડાકા વચ્ચે દોઢ ઇંચ વરસાદ વરસાવ્યો હતો, આ અંગેની નોંધ કંટ્રોલ રુમમાં આવી નથી.
સૂત્રોના જણાવ્યા અનુસાર ગઇકાલે બપોર બાદ ટેભડા ગામમાં વાતાવરણમાં પલ્ટો આવ્યો હતો અને એકાએક વરસાદ શરુ થયો હતો અને વિજળીના ભારે કડાકા ભડાકા  શરુ થયા હતા, કેટલાક વિસ્તારોમાં પાણી ભરાયા હતા, ટેભડા આજુબાજુના ગામોમાં પણ એક થી બે ઇંચ જેટલો વરસાદ થયાનું જાણવા મળ્યું છે, જો કે હવામાન ખાતાએ દક્ષિણ ભારતમાં વરસાદ પડશે તેવી આગાહી કરી છે, ત્યારે જામનગર જિલ્લામાં છૂટોછવાયો વરસાદ પડશે, તેમ જાણવા મળે છે.