125 કીલો છોલ અને 200 કીલો બ્રાસનો માલ લઇ ગયા : સીસી ફુટેજ ચેક કરતી પોલીસ

જામનગરના શંકરટેકરી ઉધોગનગરમાં બ્રાસના કારખાનામાંથી પિત્તળનો 125 કીલો છોલ, તૈયાર માલના બાચકા કોઇ અજાણ્યા શખ્સો શટર તોડીને ચોરી કરી ગયા છે, જે અંગે ફરીયાદ કરવામાં આવી છે.

જામનગરના શકિત સોસાયટી શેરી નં. 6માં રહેતા પ્રેમજીભાઇ કરમશીભાઇ માકાસણા (ઉ.વ.59)નું શંકરટેકરી ઉધોગનગર સી/2/67 ખાતે શકિત બ્રાસ ઇન્ડસ્ટ્રીઝ નામનું કારખાનું આવેલ છે, જેમાં શટર તોડીને ત્રાટકેલા તસ્કરો કારખાનામાંથી પિત્તળનો 125 કીલો છોલ કિ. 37500 તથા તૈયાર માલના પિત્તળના 8 બાચકા આશરે 200 કીલો વજન જેની કિ. 80.000 મળી કુલ 117500નો મુદામાલ ચોરી કરી ગયા હતા. કારખાનેદાર પ્રેમજીભાઇ દ્વારા ગઇકાલે સીટી-સીમાં અજાણ્યા ઇસમ સામે ફરીયાદ કરવામાં આવતા પીએસઆઇ સીસોદીયા દ્વારા તપાસ હાથ ધરવામાં આવી છે.