પોરબંદરમાં મૃતદેહ ઉપરથી સોનાના ચેનની  ચોરી થતા પોલીસ ફરિયાદ નોંધાઇ છે.છાયાના અંબેનગરમાં આવેલ શુભ સોસાયટીમાં રહેતા મહેશ લાખાભાઇ ડોડીયા નામના પી.જી.વી.સી.એલ.ના નેટવર્ક એન્જીનીયરે એવી પોલીસ ફરિયાદ નોંધાવી છે કે તેના રાજકોટ ખાતે રહેતા બનેવી કૌશિકભાઇ નાથાભાઇ વાળા પોરબંદર આવ્યા ત્યારે તેઓ બીમાર પડયા હતા અને પોરબંદરની આઇ.સી.યુ. હોસ્પિટલના વોર્ડમાં દાખલ કરવામાં આવ્યા હતા જ્યાં સારવાર દરમ્યાન કૌશિકભાઇ મૃત્યુ પામ્યા હતા. જેથી તેમની લાશ ઉપર સફેદ કપડુ ઢાકેલુ હતુ તેને ઉંચકીને જોતા તેમણે ગળામાં પહેરેલો સોનાનો ચેન ગાયબ થઇ ગયો હતો. આથી હોસ્પિટલના સ્ટાફના માણસોને પૂછતા ચેન બાબતે કોઇ કશુ જાણતુ નહી હોવાનુ બહાર આવ્યુ હતુ. આથી પોસ્ટમોર્ટમ કરાવ્યા બાદ અંતે આઇ.સી.યુ. વોર્ડમાંથી સવા તોલા વજનનો ૬૨,૫૦૦ ‚ા.નો ચેન કોઇએ ચોરી લીધાનો ગુન્હો નોંધાવતા આગળની તપાસ પોલીસે હાથ ધરી છે.