ટાઈગર શ્રોફ અને કૃતિ સેનન સ્ટાર ફિલ્મ ‘ગણપથ અ હીરો ઈઝ બોર્ન’નું અદભૂત ટીઝર આજે રિલીઝ થયું છે. ટીઝરમાં અંધકારમાં છવાયેલ ડાયસ્ટોપિયન વિશ્વની ઝલક જોવા મળી છે. જેમાં ટાઇગર શ્રોફ, કૃતિ સેનન અને અમિતાભ બચ્ચન દુષ્ટ શક્તિઓ સામે લડવા માટે ટીમ બનાવે છે

ટીઝર વિડિયો ટાઇગર શ્રોફની પાવર પેક્ડ એક્શનથી શરૂ થતું ધમાકેદાર ટીઝર 

ગણપથ’નું ટીઝર આંતરરાષ્ટ્રીય માપદંડો સાથે સ્પર્ધા કરી રહ્યું છે ‘બાગી’ અને ‘હીરોપંતી’ પછી ટાઈગર શ્રોફના ફેન્સ આ ફિલ્મની આતુરતાથી રાહ જોઈ રહ્યા હતા. આ એક મિનિટ 40 સેકન્ડનું ટીઝર એટલું જોરદાર છે કે જે ચાહકોની ફિલ્મ જોવાની ઉત્તેજનામાં વધારો કરે છે. જે આ ટીઝરને ખરેખર અલગ બનાવે છે તે તેનું અદ્ભુત VFX વર્ક છે 

પૂજા એન્ટરટેઈનમેન્ટે 'ગણપથ'નું ઉત્તેજક ટીઝર રિલીઝ કરીને ભારતીય સિનેમાનો દર વધાર્યો છે. નિર્માતાઓએ સિનેમેટિક શ્રેષ્ઠતાના નવા યુગની શરૂઆત કરી છે આ ટીઝર 'ગણપથ'ની દુનિયાની એક મહાન ઝલક આપે છે અને આંતરરાષ્ટ્રીય ધોરણોને ટક્કર આપતો સિનેમેટિક અનુભવ આપે છે. તેનું ટીઝર ટોપ લેવલ વિઝ્યુઅલ ઈફેક્ટ્સ અને 'ગણપત'ની અદ્ભુત સ્ટોરી સાથે રિલીઝ છે.

‘ગણપત’માં અમિતાભ બચ્ચનનો અલગ અંદાજ

વિકાસ બહલ દ્વારા દિગ્દર્શિત, આ ભવિષ્યવાદી એક્શન શોમાં ટાઇગર શ્રોફ, કૃતિ સેનન અને મેગાસ્ટાર અમિતાભ બચ્ચન સહિત પાવર-પેક્ડ કલાકારો છે. આ ફિલ્મમાં અમિતાભ બચ્ચનનો અલગ અંદાજ જોવા મળ્યો છે.

જે ટીઝરની ઘણા સમયથી રાહ જોવાઈ રહી હતી અને આજે તેને જોયા બાદ સોશિયલ મીડિયા પર તેની ખૂબ ચર્ચા થઈ રહી છે. પૂજા એન્ટરટેઇનમેન્ટે ફરી એકવાર સાબિત કર્યું છે કે તેઓ તેમના પ્રેક્ષકોને જોઈએ તેવું પીરસે છે અને પ્રેક્ષકોને શ્રેષ્ઠ સામગ્રી આપવાનું ક્યારેય બંધ કરશે નહીં. જેકી ભગનાનીએ પ્રોજેક્ટ વિશે જણાવ્યું હતું કે, “અમે ફિલ્મ ‘ગણપથ’ અ હીરો ઈઝ બોર્ન’ અપાર જોશ અને અનોખા વિઝન સાથે બનાવી છે. આ ફિલ્મ દર્શકોને ઘણા સરપ્રાઈઝ આપશે.”

‘ગણપથ’ એ હીરો ઈઝ બોર્ન’નું નિર્માણ વાશુ ભગનાની, જેકી ભગનાની, દીપશિખા દેશમુખ અને વિકાસ બહલ દ્વારા કરવામાં આવ્યું છે. આ ફિલ્મ વિશ્વભરમાં 20 ઓક્ટોબર, 2023ના રોજ હિન્દી, તમિલ, તેલુગુ, મલયાલમ અને કન્નડમાં રિલીઝ થશે.