ખંભાળિયાનો શખ્સ કાર ભાડે લઈને નૌ દો ગ્યારાહ

જામનગરમાં રહેતા એક પરપ્રાંતિય વેપારી પાસેથી ખંભાળિયાનો  ઊંચા ભાડેથી કાર મેળવીને લઈ ગયા પછી પરત નહીં આપી વિશ્વાસઘાત અને છેતરપિંડી કર્યાની ફરિયાદ પોલીસમાં નોંધાવાતાં ચકચાર જાગી છે.
જામનગરમાં ત્રિવેણી મંદિર પાછળ શાંતિવિલાસમાં રહેતા કાલુસિંઘ મનોહરસિંઘ ચૌહાણ નામના મૂળ રાજસ્થાનના વતની એવા વેપારીને એક ચીટર શખ્સ નો ભેટો થયો હતો અને સીટી આર્કેડ માર્કેટમાં મળવા માટે આવેલા દેવભૂમિ દ્વારકા જિલ્લાના ખંભાળિયાના ગૌરવ નરેશભાઈ બુદ્ધભટ્ટી, કે જેણે ઊંચા ભાડેથી કાર મેળવી હતી, અને ફરિયાદીની જી.જે.૧૦ ડી.એ. ૧૩૭૯ નંબરની કાર ભાડેથી લઈ ગયા હતા. જે કાર તા ૨૭.૯.૨૦૨૧ના દિવસે લઈ ગયા પછી આજ દિવસ સુધી કાર અને ભાડુ પરત આપી ન હતી.
 જેથી આખરે મામલો પોલીસ મથકમાં લઈ જવાયો હતો, અને કાલુસિંઘ ચૌહાણ ની ફરિયાદ ના આધારે સીટી બી. ડિવિઝન પોલીસે ગૌરવ નરેશભાઈ બુદ્ધભટી સામે આઇપીસી કલમ ૪૦૬ અને ૪૨૦ મુજબ ગુન્હો નોંધ્યો છે, અને રૂપિયા ૮.૫૦ લાખની કિંમતની કારની છેતરપિંડી કરવા અંગે ફરિયાદ નોંધી તેની શોધખોળ હાથ ધરી છે.