પોરબંદરનો માછીમારી ઉદ્યોગ સરકારને કરોડો ‚પિયાનું હુંડીયામણ કમાવી આપે છે,આમ છતાં સરકાર તેઓને પાયાની સુવિધા આપવામાં પણ અખાડા કરી રહી છે,મહત્વની બાબત એ છે કે,લકડી બંદરથી સુભાષનગર તરફ જતો રસ્તો સાંકડો અને લાઈટ વિહોણો છે,તેથી અનેક અકસ્માતો સર્જાઈ ચુક્યા છે માટે આ રસ્તાને ફોર ટ્રેક કરવાની માંગણી થઈ છે.પોરબંદરના લકડી બંદરથી સુભાષનગર ઓલ વેધર પોર્ટની જેટી અને જાવર તરફ જતો રસ્તો સિંગલ પટ્ટીનો છે અને આ રસ્તા ઉપર અનેક અકસ્માતો સર્જાઈ ચુક્યા છે,અહીંયાથી મચ્છીના ક્ધટેનરો અને ટ્રક સહિત છકડો રીક્ષા અને અન્ય વાહનોની સતત અવર-જવર રહે છે એટલું જ નહી પરંતુ સુપર ગેસ એજન્સી પણ આ તરફ આવેલી હોવાથી ગેસનું પરિવહન કરતા ૧૬ થી ૨૦ વ્હીલના મોટા ટેન્કરો પણ અહીંયાથી જ પસાર થાય છે. પરંતુ સરકાર દ્વારા આ રસ્તાને પહોળો કરવામાં આવતો નથી. છેલ્લા ઘણા સમયથી આ મુખ્ય રસ્તો ખુબ જ બિસ્માર બની ગયો છે અને ઠેર-ઠેર ગાબડા પડી ગયા છે.અહીંયા વાહનોની સતત અવરજવર રહે છે,માટે હાલમાં આ રસ્તાના ગાબડા પુરવા જોઈએ અને વહેલીતકે તેને પહોળો કરવો જ‚રી બન્યો છે.તે ઉપરાંત અહીંયા રાત્રિના સમયે પણ વાહનોની અવરજવર થાય છે પણ તંત્ર દ્વારા સ્ટ્રીટલાઈટ જેવી પાયાની સુવિધા પણ ઉપલબ્ધ કરાવવામાં આવી નથી.રાત્રિના સમયે અનેક અકસ્માતો આ રોડ ઉપર સર્જાઇ ચુક્યા છે,તેથી તંત્રએ લાઇટની સુવિધા ઉપલબ્ધ કરાવી પણ ખુબ જરૂરી બની છે.માછીમાર આગેવાનો દ્વારા અવારનવાર આ પ્રકારની રજુઆત થઈ હોવા છતાં સરકાર કયા કારણોસર આંખ આડા કાન કરી રહી છે એ જ સમજાતું નથી.ચુંટણી આવે ત્યારે માછીમારોનો વોટ બેન્ક તરીકે ઉપયોગ કરનાર નેતાઓ પણ આ મુદ્દે વહેલીતકે સરકારમાં રજુઆત કરે તે ઇચ્છનીય છે.