આંધ્રપ્રદેશના ક્રિમિનલ ઇન્વેસ્ટિગેશન ડિપાર્ટમેન્ટ (CID) એ TDP ચીફ અને આંધ્ર પ્રદેશના પૂર્વ સીએમ એન ચંદ્રબાબુ નાયડુની ધરપકડ કરી છે. આ ધરપકડ ભ્રષ્ટાચારના કેસમાં કરવામાં આવી છે. એન ચંદ્રબાબુ નાયડુના પુત્ર નારા લોકેશની પણ પૂર્વ ગોદાવરી જિલ્લામાંથી અટકાયત કરવામાં આવી છે. ચંદ્રબાબુ નાયડુ (N Chandrababu Naidu) પર 350 કરોડ રૂપિયાના કૌશલ્ય વિકાસ કૌભાંડનો આરોપ છે.

કોઈપણ પુરાવા વગર ધરપકડ કરાઈ
પાર્ટીના નેતાઓએ દાવો કર્યો છે કે પોલીસ ચંદ્રબાબુને ઓરવાકલ એરપોર્ટથી ફ્લાઈટ દ્વારા વિજયવાડા લઈ જશે. જો કે ચંદ્રબાબુએ તેમની ધરપકડ સામે સખત વાંધો ઉઠાવ્યો છે. તેમનું માનવું છે કે આ ધરપકડ કોઈપણ આરોપના પુરાવા દર્શાવ્યા વગર કરવામાં આવી છે. ચંદ્રાબાબુએ કહ્યું કે તેઓ કાયદાને ત્યારે જ સહકાર આપશે જ્યારે પુરાવા રજૂ કરવામાં આવશે.