આઈસીસી મહિલા ટી-20 વર્લ્ડ કપ 2024 3 ઓક્ટોબરથી શરૂ થવા જઈ રહ્યો છે. મહિલા વર્લ્ડ કપમાં વિશ્વભરની ટીમો આ પ્રતિષ્ઠિત ટાઇટલ માટે સ્પધર્િ કરતી જોવા મળશે. ઈવેન્ટની તૈયારીમાં ઈન્ટરનેશનલ ક્રિકેટ કાઉન્સિલે અમ્પાયર અને રેફરી સહિત મેચ અધિકારીઓની 13 સભ્યોની પેનલની જાહેરાત કરી છે.આ 13 સભ્યોની પેનલોને ટુનર્મિેન્ટની મેચોની દેખરેખ રાખવાની જવાબદારી સોંપવામાં આવી છે. પેનલમાં સંપૂર્ણપણે મહિલા અધિકારીઓનો સમાવેશ થાય છે.
આ એક અભૂતપૂર્વ પગલું જે 2023માં છેલ્લી ટુનર્મિેન્ટમાં પ્રથમ વખત રજૂ કરવામાં આવ્યું હતું. આઈસીસીએ રમતમાં લિંગ સમાનતાને પ્રોત્સાહન આપવાના પ્રયાસમાં આગામી મહિલા ટી20 વર્લ્ડ કપ માટે તમામ-મહિલા પેનલની પસંદગી કરીને એક મોટું પગલું ભર્યું છે.
પેનલમાં ક્લેર પોલોસાક જેવા અનુભવી અમ્પાયરોનો સમાવેશ થાય છે, જેમણે ચાર મહિલા ટી20 વર્લ્ડ કપમાં પોતાની ઓળખ બનાવી છે. વધુમાં, કિમ કોટન અને જેકલીન વિલિયમ્સ બંને તેમની ચોથી ટુનર્મિેન્ટમાં ભાગ લેવા માટે તૈયાર છે. મહિલા ટી20 વર્લ્ડ કપ 2024 માટે મેચ અધિકારીઓની યાદીમાં ઘણા મોટા નામ સામેલ છે.
અમ્પાયરોમાં લોરેન એગેનબેગ, કિમ કોટન, સારાહ ડમ્બનવાના, અન્ના હેરિસ, નિમાલી પરેરા, ક્લેર પોલોસાક, વૃંદા રાઠી, સુ રેડફર્ન, એલોઈસ શેરિડન અને જેકલીન વિલિયમ્સનો સમાવેશ થાય છે. મેચ રેફરી તરીકે શોન્દ્રા ફ્રિટ્ઝ, જીએસ લક્ષ્મી અને મિશેલ પરેરા આ મેચોની દેખરેખ રાખશે. ટી-20 વર્લ્ડ કપમાં સૌથી વધુ ટ્રોફી ઓસ્ટ્રેલિયાના નામે છે. ઓસ્ટ્રેલિયાએ 2010, 2012, 2014, 2018, 2020 અને 2023માં ટ્રોફી કબજે કરી હતી.