સીંગતેલના ભાવમાં સતત વધારો થઈ રહ્યો છે. સાતમ આઠમના તહેવારમાં સીંગતેલના ભાવમાં ઘટાડો થયા બાદ ખુલતા બજારે સીંગતેલના ભાવમાં સતત વધારો નોંધાઈ રહ્યો છે. ભાવમાં વધારાને લઇને ગૃહિણીઓ ચિંતિત બની છે. મોંઘવારી સતત વધી રહી છે બીજી બાજુ ખાદ્યતેલના ભાવમાં પણ વધારો થતાં ગૃહિણીઓના બજેટ ખોરવાઈ ગયા છે.  

સીંગતેલના ભાવમાં ફરી રૂપિયા 30નો વધારો ઝીંકવામાં આવ્યો છે. જેને લઇને હવે સીંગતેલના ડબ્બાનો ભાવ ₹3,180 સુધી પહોંચ્યો છે. સીંગતેલના ભાવ વધારા પાછળ સટ્ટાખોરી મુખ્ય પરિબળ માનવામાં આવી રહ્યું છે. આ સાથે આગામી દિવસોમાં હજુ પણ સીંગતેલના ભાવમાં વધારો થશે તેવી આશંકા વેપારીઓ વ્યક્ત કરી રહ્યા છે.