ભારત અને દક્ષિણ આફ્રિકા વચ્ચે ડરબનના કિંગ્સમીડ ખાતે રમાનારી પ્રથમ T20 મેચ વરસાદના કારણે ધોવાઈ ગઈ છે. સતત વરસાદને કારણે મેચનો ટોસ પણ થઈ શક્યો નથી.

ભારત અને દક્ષિણ આફ્રિકા વચ્ચેની પ્રથમ T20 મેચ રદ્દ કરવામાં આવી છે. ડરબનમાં કિંગ્સમીડ ખાતે રમાયેલ મેચ ટોસ વિના રદ્દ કરવામાં આવી છે. વાસ્તવમાં મેચ સાથે જોડાયેલા અમ્પાયરો અને અધિકારીઓએ લાંબા સમય સુધી વરસાદ બંધ થવાની રાહ જોઈ હતી પરંતુ લગભગ અઢી કલાક રાહ જોયા બાદ અધિકારીઓએ મેચ રદ કરવાનો નિર્ણય લીધો. ભારતીય સમય અનુસાર આ મેચ સાંજે 7.30 વાગ્યે શરૂ થવાની હતી. મેચનો ટોસ સાત વાગે થવાનો હતો.

ડરબનમાં હજુ પણ વરસાદ પડી રહ્યો છે. જેના કારણે પ્રથમ ટી20ની ટોસ પણ થઈ શકી ન હતી. જોકે, સ્ટેડિયમમાં હાજર પ્રશંસકો મેચ શરૂ થવાની આશા વ્યક્ત કરી રહ્યા હતા. તેઓ ઘણા સમયથી મેચ શરૂ થવાની રાહ જોઈ રહ્યા હતા.