ઓડિશામાં, ભારતીય જનતા પાર્ટી (બીજેપી) અને શાસક બીજુ જનતા દળ (બીજેડી) વચ્ચે ગઠબંધન નહી થાય તેવા એંધાણ છે. ભાજપે આગામી લોકસભા અને રાજ્યની વિધાનસભાની ચૂંટણીમાં તમામ બેઠકો પર એકલા હાથે ચૂંટણી લડવાની જાહેરાત કરી છે. છેલ્લા કેટલાક દિવસોમાં બંને પક્ષો વચ્ચે ગઠબંધનને લઈને વિવિધ સ્તરે વાતચીત ચાલી રહી હતી.
ભાજપ્ના ઓડિશા એકમના અધ્યક્ષ મનમોહન સામલે એક પોસ્ટમાં કહ્યું, ’ઓડિશાના 4.5 કરોડ લોકોની આશાઓ, ઇચ્છાઓ અને આકાંક્ષાઓને પૂર્ણ કરવા માટે, વડાપ્રધાન નરેન્દ્ર મોદીના નેતૃત્વ હેઠળ વિકસિત ભારત અને વિકસિત ઓડિશા બનાવવા માટે, ભાજપ આ વખતે તમામ લોકસભા બેઠકો પર તે 21 અને તમામ 147 વિધાનસભા બેઠકો પર એકલા ચૂંટણી લડશે. ઓડિશામાં લોકસભાની સાથે વિધાનસભાની ચૂંટણી પણ યોજાશે. તેમણે કહ્યું કે દેશભરમાં જ્યાં પણ ’ડબલ એન્જિન’ સરકાર બની છે ત્યાં વિકાસ અને ગરીબ કલ્યાણના કાર્યોને વેગ મળ્યો છે અને રાજ્યોએ દરેક ક્ષેત્રમાં પ્રગતિ કરી છે. તેમણે કહ્યું કે અમને ઓડિશા-ઓડિશાની ઓળખ, ગૌરવ અને લોકોના હિત સંબંધિત ઘણા મુદ્દાઓ પર
ચિંતા છે.
બીજેડી મહાસચિવ (સંગઠન) પ્રણવ પ્રકાશ દાસે પણ સોશિયલ મીડિયા પર એકલા ચૂંટણી લડવાની પાર્ટીની યોજનાની જાહેરાત કરી, પરંતુ ભાજપ્ની ટીકા કરવાનું ટાળ્યું છે. બીજેપી સૂત્રોએ કહ્યું કે બે કારણો છે જેના કારણે બીજેપી અને બીજેડી વચ્ચે ગઠબંધન થઈ શક્યું નથી. એક કારણ એ હતું કે બીજેડી જે સીટો ભાજપ્ને આપી રહી હતી તેનાથી ભાજપ સંતુષ્ટ નથી. બીજુ કારણ એ હતું કે બીજેપી એવી વાત ફેલાવી રહી હતી કે બીજેડી ગઠબંધનમાં રસ ધરાવે છે. ભાજપે કહ્યું કે અમને લોકસભાની 21માંથી 11 બેઠકો ઓફર કરવામાં આવી હતી, જ્યારે સ્વતંત્ર વિશ્લેષકો કહે છે કે અમે અમારા દમ પર ઘણી વધુ બેઠકો જીતી શકીએ છીએ. તેવી જ રીતે, વિધાનસભામાં, તેઓ અમને 35-40 બેઠકો સુધી મર્યિદિત કરવા માંગતા હતા, જ્યારે અમારો આંતરિક સર્વે દશર્વિે છે કે અમે 147 સભ્યોના ગૃહમાં બહુમતી તરફ આગળ વધી રહ્યા છીએ. ભાજપ ઓડિશામાં તેના પ્રોજેક્ટના સાથે ’ઉડિયા અસ્મિતા’ પ્લોટ તૈયાર કરી રહ્યું છે. ઓડિશાના આગામી મુખ્યમંત્રી તરીકે વીકે પાંડિયનનું નામ સામે આવી રહ્યું છે. વીકે પાંડિયન તમિલનાડુથી આવે છે. આ સાથે ભાજપ ઉડિયા ઓળખનો મુદ્દો ઉઠાવી શકે છે. બીજેપીના એક વરિષ્ઠ નેતાએ કહ્યું, ’અમે ઉડિયાની ઓળખ સાથે સમાધાન કરી શકીએ નહીં.’
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોદી સરકાર નક્સલવાદ સામે મોટા ઓપરેશનની કરી રહી છે તૈયારી, અમિત શાહ દિલ્હીમાં બનાવશે માસ્ટર પ્લાન
October 05, 2024 08:16 PMNobel Prize 2024: આવતા અઠવાડિયે નોબેલ પુરસ્કારની થશે જાહેરાત, જાણો કોનું થશે સન્માન...
October 05, 2024 08:15 PMએક સાથે પંદર હોમગાર્ડઝ સભ્યોને ફરજ મોકૂફ અને એક સભ્યને બરતરફ કરતાં જામનગર જિલ્લા હોમગાર્ડઝ કમાન્ડન્ટ
October 05, 2024 06:52 PMCopyright © 2023-2024 Aajkaal Daily
Developed by Rhythm Infotech