સુરતના વરાછા વિસ્તારમાં આવેલી વિઠ્ઠલ નગર સોસાયટીમાં અચાનક કાદવનો જ્વાળામુખી ફાટતા હાલત કફોડી થઈ ગઈ છે.આજે 72 કલાક પછી પણ ફોલ્ટ મળ્યો નથી. આજે સવારે થોડા સમય માટે ટનલની કામગીરી શરૂ કરાતા ફરીથી જમીનમાંથી કાદવ નીકળવા લાગ્યો હતો. જેથી ટનલની કામગીરી બંધ કરવામાં આવી છે. આજે ફરી જમીનમાંથી કાદવ નીકળતા મેટ્રોના કર્મચારીઓ ફોલ્ટ શોધી રહ્યા છે. બીજી તરફ કાદવ કીચડના કારણે સ્થાનિકોના ઘરને મોટું નુકસાન થયું છે.  સાથે જ ઘરવખરીને પણ ભારે નુકસાન થયું છે. મેટ્રોના અધિકારીઓ દ્વારા અસરગ્રસ્તોની હોટલમાં રહેવા-જમવાની વ્યવસ્થા કરવામાં આવી છે. ફોલ્ટ મળ્યા બાદ લોકોના મકાનોની રિપેરિંગની કામગીરી શરૂ કરવામાં આવશે. 

સુરત માં કાદવનો જવાળા ફાટી નીકળ્યો
સુરત વરાછાના વિઠ્ઠલ નગર વિસ્તારની ઘટના
મેટ્રોની કામગીરીના કારણે ભારે હાલાકી
ડ્રેનેજ લાઈનમાંથી કાદવ આવી રહ્યો છે ઘરમાં
કિચડ બહાર આવતા લોકોને પડી રહી છે હાલાકી#SMC #Surat #Varacha pic.twitter.com/WgYHr1x5Qc

— journalist Sharif Shaikh (@PatrkarShaikh) February 13, 2023

વરાછાની વિઠ્ઠલનગર સોસાયટીમાં અંડરગ્રાઉન્ડ મેટ્રો માટે ટનલ બોરિંગ મશીનથી ચાલી રહેલા ખોદકામ દરમિયાન જમીનમાંથી જ્વાળામુખીની જેમ મોટાપ્રમાણમાં કાદવ ફૂટી નીકળી ફેલાઈ ગયો હતો. 4 મકાનમાં વોશબેઝિન, લીવીંગ રૂમ, ડ્રેનેજ-પાણી સહિતની લાઇનમાંથી પ્રેશર સાથે કાદ‌વ નિકળ્યો હતો. જેમાં 2 મકાનનું ફ્લોરિંગ ઉંચકાઇ જતા મોટું નુકસાન થતાં શિફટીંગની નોબત આવી છે. આ ઘટનાથી અંદાજે 50થી વધુ લોકો પ્રભાવિત થયા હતા. મેટ્રોના અધિકારીઓએ અસરગ્રસ્તોને શિફ્ટ કરી હોટલમાં રહેવા-જમવાની વ્યવસ્થા કરી હતી. કેટલાક લોકો તો કહી રહ્યા છે કે આવું તો જિંદગીમાં ક્યારેય નથી જોયું. બારણું ખોલતાંની સાથે જ કાદવની સુનામી આવી હોય એવા દૃશ્યો સર્જાયાં છે. એક ઘરમાંથી નીચેની લાદીઓ પણ ઉખાડી નાખી છે. એટલું પણ ઓછું હતું એમ પહેલા માળે પણ નળમાં કાદન નીકળી રહ્યો છે.