દ્વારકા જિલ્લાના ખંભાળિયા શહેરમાં નેશનલ હાઈવે ઉપર કોઈ અજાણ્યા વાહન ચાલકે એક બળદને અડફેટે લેતા આ બળદનો એક પગ કપાઈ ગયો હતો. આ અંગેની જાણ સ્થાનિક લોકો દ્વારા 1962 હેલ્પલાઇન પર કરાતા તુરંત જ એમ્બ્યુલન્સ ઘટના સ્થળે પહોંચી ગઈ હતી અને ડોક્ટર રાજકુમાર અને પાયલોટ પરેશભાઈ દ્વારા આ બળદના પગ કપાઈ ગયેલા પગને અલગ કરી, જરૂરી દવાઓ અને ડ્રેસિંગ કરીને સારવાર આપવામાં આવી હતી.

આ રીતે 1962 એમ્બ્યુલન્સ દ્વારા નાના મોટા ઓપરેશન અને જરૂરી સારવાર સ્થળ પર જ આપવામાં આવે છે. આ કામગીરીને પ્રોજેક્ટ કો-ઓર્ડીનેટર મનોજ ચૌહાણ અને ઉચ્ચ અધિકારી ડો. મહમદ ખાન દ્વારા બિરદાવવામાં આવી હતી.