ઇલેક્ટ્રિક કાર ટેસ્લાના ચીફ એલોન મસ્ક એપ્રિલમાં ભારતની મુલાકાતે છે. મસ્ક નવી દિલ્હીમાં વડાપ્રધાન નરેન્દ્ર મોદીને મળશે. એવું માનવામાં આવે છે કે ભારતની મુલાકાત દરમિયાન એલોન મસ્ક ભારતમાં તેમની રોકાણ યોજના અને ઇલેક્ટ્રિક વાહન પ્લાન્ટ અંગે જાહેરાત કરી શકે છે.

ટેસ્લાના મેન્યુફેક્ચરિંગ પ્લાન્ટમાં 2 બિલિયન ડોલરના રોકાણની શક્યતા છે. એવું માનવામાં આવે છે કે ટેસ્લાની ટીમ તેના પ્રસ્તાવિત પ્લાન્ટ માટે યોગ્ય સ્થળ શોધવા માટે ઘણા રાજ્યોની મુલાકાત લઈ શકે છે.

સમાચાર એજન્સી 'રોયટર્સ'એ સૂત્રોના હવાલાથી પોતાના અહેવાલમાં આ માહિતી આપી છે. રિપોર્ટ અનુસાર એલન મસ્ક 22 એપ્રિલથી શરૂ થતા સપ્તાહમાં ભારતની મુલાકાત લેશે. પીએમ મોદીને મળ્યા બાદ મસ્ક ભારતમાં રોકાણ કરવાની તેમની યોજનાઓ અલગથી જાહેર કરશે.