દિલ્હી એનસીઆર અને આસપાસના વિસ્તારોમાં ભૂકંપના જોરદાર આંચકા અનુભવાયા છે. જોરદાર ભૂકંપના આંચકા જોઈને લોકો ઘરની બહાર આવી ગયા હતા. આ આંચકા દિલ્હી, નોઈડા, ફરીદાબાદ, ગુરુગ્રામ, ગાઝિયાબાદ સહિત નજીકના શહેરોમાં અનુભવાયા હતા. આ પહેલા આ મહિને 3જી ઓક્ટોબરે પણ દિલ્હી-એનસીઆરમાં ભૂકંપ આવ્યો હતો.

દિલ્હી-NCRમાં ફરી એકવાર ભૂકંપના આંચકા અનુભવાયા છે. આ આંચકા રાજધાની દિલ્હી અને આસપાસના શહેરો ફરિદાબાદ, ગુરુગ્રામ, ગાઝિયાબાદ, નોઈડામાં અનુભવાયા હતા. રિક્ટર સ્કેલ પર ભૂકંપની તીવ્રતા 3.1 હતી. 

મળતી માહિતી પ્રમાણે સાંજે 4.08 કલાકે ભૂકંપના આંચકા અનુભવાયા હતા. ભૂકંપનું કેન્દ્ર હરિયાણાનો ફરીદાબાદ જિલ્લો હતો. આ પહેલા આ મહિને 3જી ઓક્ટોબરે પણ દિલ્હી-એનસીઆરમાં ભૂકંપ આવ્યો હતો.

3 ઓક્ટોબરે જોરદાર આંચકા અનુભવાયા
3 ઓક્ટોબરે દિલ્હી-NCR સહિત આસપાસના શહેરોમાં ભૂકંપ આવ્યો હતો. તે દરમિયાન લોકોએ ભૂકંપના જોરદાર આંચકા અનુભવ્યા હતા. લોકો પોતાના ઘર અને ઓફિસમાંથી બહાર આવી ગયા હતા. બપોરે 02.51 કલાકે ભૂકંપના આંચકા અનુભવાયા હતા. તે દરમિયાન ભૂકંપની તીવ્રતા 6.2 હતી. બપોરે આવેલા ભૂકંપનું કેન્દ્ર નેપાળમાં હતું.