મોરબીના ઘુંટુ નજીક સીએનજી રિક્ષામાં આગ લાગતા ચાલક દાઝી જતા સારવાર માટે રાજકોટ સિવિલ હોસ્પિટલમાં ખસેડવામાં આવ્યો છે.

બનાવની પ્રાપ્ત વિગત મુજબ મોરબીના આદરાણા ગામે રહેતા વસંતભાઈ અમરશીભાઇ ચાવડા (ઉ.વ.35)ના યુવક વહેલી સવારે ઘરેથી સીએનજી રિક્ષા લઈ મોરબી બકાલું ભરવા જતા હતા ત્યારે ઘુંટુ નજીક કેનાલ પાસે અચાનક રિક્ષામાં ભડકા થવા લાગ્યા હતા અને જોત જોતામાં રિક્ષા સળગી ઉઠતા પોતે દાઝી જતા સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતા. ચાલકના કહેવા મુજબ રિક્ષા લીધી એને ચાર થી પાંચ મહિના જ થયા હતા. સવારે બકાલું ભરવા જતો હતો ત્યારે અચાનક આગ લાગવાથી રિક્ષા સળગી ઉઠી હતી. બનાવ અંગે મોરબી તાલુકા પોલીસે નોંધ કરી છે.