ઈઝરાયેલના વડાપ્રધાન બેન્જામિન નેતન્યાહુએ ઈરાન અને આતંકવાદી સંગઠન હિઝબુલ્લાહને જવાબમાં ચેતવણી આપી છે. "તેમણે કહ્યું કે, અમારું પરીક્ષણ કરશો નહીં," નેતન્યાહુએ ઈઝરાયેલ નેસેટમાં ભાષણ આપતાં કહ્યું કે હમાસને હરાવવા માટે વિશ્વને એક થવાની જરૂર છે. તેણે કહ્યું કે આ યુદ્ધ તમારું પણ યુદ્ધ છે.

આ સંઘર્ષની વચ્ચે ગાઝામાં ફસાયેલા પેલેસ્ટિનિયનો આશ્રયની શોધમાં ખોરાક અને પાણીના અભાવે સ્થળે-સ્થળે ભટકી રહ્યા છે. તેઓએ હોસ્પિટલો અને શાળાઓમાં ધામા નાખ્યા છે.

10 લાખથી વધુ લોકોએ પોતાનું ઘર છોડી દીધું

સોમવારે હજારો પેલેસ્ટિનિયનો હોસ્પિટલો અને શાળાઓમાં ઉમટી પડ્યા હતા. હકીકતમાં, હમાસ પર ઇઝરાયેલના હુમલા પહેલા જ 10 લાખથી વધુ લોકો તેમના ઘર છોડીને ભાગી ગયા છે.

યુદ્ધમાં 4,000 થી વધુ લોકો માર્યા ગયા

ઇઝરાયલ અને હમાસ વચ્ચે ચાલી રહેલા યુદ્ધમાં બંને તરફથી અત્યાર સુધીમાં 4,000થી વધુ લોકો માર્યા ગયા છે. ગાઝાના સ્વાસ્થ્ય મંત્રાલય અનુસાર આ યુદ્ધમાં 2,670 પેલેસ્ટિનિયનોએ જીવ ગુમાવ્યા છે, જ્યારે 9,600 લોકો ઘાયલ થયા છે. જ્યારે બીજી તરફ ઇઝરાયેલ પર હમાસના હુમલામાં અત્યાર સુધીમાં 1400 થી વધુ ઇઝરાયેલી નાગરિકોના મોત થયા છે.