પિતૃ અમાસના દિવસે કરો આ 3 ઉપાય, પૂર્વજોના આશીર્વાદથી મનોકામના થશે પૂર્ણ 

હિન્દુ ધર્મમાં સર્વે પિતૃ અમાસની તિથિનું સૌથી વધુ મહત્વ છે, કારણ કે આ દિવસે પૂર્વજોને શ્રદ્ધાંજલિ આપવામાં આવે છે. આ તિથિ દર વર્ષે અશ્વિન માસના કૃષ્ણ પક્ષની અમાસના દિવસે ઉજવવામાં આવે છે. આ દિવસે પિંડ દાન અથવા તર્પણ એવા તમામ પૂર્વજો માટે કરવામાં આવે છે જેમની મૃત્યુ તારીખ જાણીતી નથી અથવા જેમનું શ્રાદ્ધ કોઈ કારણસર અગાઉ થઈ શક્યું નથી. તેથી તે તમામ પૂર્વજોની અમાસ તરીકે ઓળખાય છે. આ વર્ષની સર્વે  પિતૃ અમાસ વિશેષ મહત્વની છે, કારણ કે આ દિવસે વર્ષનું છેલ્લું અને બીજું સૂર્યગ્રહણ પણ થશે. આવી સ્થિતિમાં શું આ દિવસે શ્રાદ્ધ કરવું શુભ રહેશે?

પિતૃ પક્ષ સર્વે  પિતૃ અમાસ સાથે સમાપ્ત થાય છે. આ દિવસે પિતૃઓને અર્પણ કરવા શ્રાદ્ધની તિથિ અને પિંડ દાન અર્પણ કરવાની પદ્ધતિને વધુ મહત્વ આપવામાં આવે છે. આ દિવસે કરવામાં આવેલ કોઈપણ ઉપાય અસરકારક માનવામાં આવે છે. આ સમય દરમિયાન પિતૃઓને યાદ કરીને તેમને અર્પણ કરવામાં આવે છે. આપણા પૂર્વજોના આશીર્વાદ મેળવવાથી આપણા જીવનની ઘણી સમસ્યાઓ દૂર થઈ જાય છે.

પંચાંગ અનુસાર આ વર્ષે સર્વે પિતૃ અમાસ તિથિ ગઈકાલ રાત્રે 9:40 કલાક થી આજે બપોરે 2:19 કલાકે હશે. આ અમાસને મોક્ષદાયિની અમાસ પણ કહેવાય છે. ઉદય તિથિ અનુસાર અમાસ તિથિ 2જી ઓક્ટોબરે જ રહેશે.

અધૂરી ઈચ્છાઓ થશે પૂર્ણ 
સર્વે  પિતૃ અમાસના દિવસે તલનો લાડુ બનાવીને મંદિરમાં અર્પણ કરવો જોઈએ. આ લાડુ કાગડા, ગાય અને કૂતરાને પણ ખવડાવો. આ લાડુ ચઢાવતી વખતે તમારી ઈચ્છાનું પણ ધ્યાન રાખો. આમ કરવાથી તમારી ઘણા દિવસોથી અધૂરી રહેલી ઈચ્છાઓ પૂર્ણ થશે.

આ દિશામાં રાખો ખાસ ધ્યાન 
વાસ્તુશાસ્ત્ર અનુસાર ઉત્તર-પૂર્વ દિશાને પવિત્ર માનવામાં આવે છે. તેને દેવતાઓનો વાસ માનવામાં આવે છે. આ દરમિયાન પૂર્વજોની પૂજા અને સ્મરણ કરવું જોઈએ અને ઘરમાં સકારાત્મકતા જાળવી રાખવા માટે આ દિશામાં દીવો પ્રગટાવવો જોઈએ. જેના કારણે ઘરમાં સુખ-સમૃદ્ધિ બની રહે છે. ઘરમાં પૈસા આવે છે અને આર્થિક સ્થિતિ મજબૂત બને છે.

સર્વે  પિતૃ અમાસનો અર્થ પૂર્વજોને યાદ કરવાનો અને તેમને શ્રદ્ધાંજલિ આપવાનો છે. આ દિવસે પૂજા અને દાનનું ફળ મળે છે. આ સમયે તમારે દેવી લક્ષ્મીની સામે ઘીનો દીવો કરવો અને લક્ષ્મી મંત્રનો 108 વાર જાપ કરવો જોઈએ. તેનાથી આર્થિક સંકટમાંથી રાહત મળશે. સર્વે  પિતૃ અમાસના દિવસે 21 વાર તુલસી માળાનો જાપ કરો.