ત્રણ વિભાગની કુલ ૧૬ બેઠક માટે જંગ

ખેતીવાડી ઉત્પન્ન બજાર સમિતિની ૧૬ બેઠક માટેની ચૂંટણી અન્વયે આગામી તા. ૯-૧૧-ર૦ર૩ ના મતદાન પ્રક્રિયા હાથ ધરવામાં આવશે અને તા. ૧૦ ના મત ગણતરી થશે.
ખેતીવાડી ઉત્પન બજાર સમિતિ-ધ્રોળની હાલની કમિટીની મુદ્ત પૂરી થવા જઈ રહી છે. આથી નવી ચૂંટણી માટે જાહેરનામું પ્રસિદ્ધ કરવામાં આવ્યું છે. જેમાં ખેડૂત વિભાગની ૧૦ બેઠક, વેપારી વિભાગની ૪ બેઠક માટે સહકારી-ખરીદ વેંચાણ મંડળીઓના મત વિભાગની બે બેઠક મળી કુલ ૧૬ બેઠક માટે ચૂંટણી યોજાશે. જેમાં તા. ર૯-૧૦-ર૦ર૩ ના સવારે ૧૧ થી સાંજે પાંચ વાગ્યા સુધી ઉમેદવારી પત્રો આપવામાં આવશે. તા. ૩૦-૧૦-ર૦ર૩ ના ઉમેદવારી પત્રોની ચકાસણી થશે. તા. ર-૧૧-ર૦ર૩ ના ઉમેદવારી પત્રો પાછા ખેંચી શકાશે. તા. ૯-૧૧-ર૦ર૩ ના સવારે ૯ થી સાંજે પાંચ વાગ્યા સુધી મતદાન પ્રક્રિયા હાથ ધરવામાં આવશે અને બીજા દિવસે તા. ૧૦ ના મતગણતરી હાથ ધરવામાં આવશે.