સ્વિસ બેંકોમાં ભારતીય વ્યક્તિઓ અને કંપ્નીઓની થાપણોમાં 2023માં 70 ટકાનો ઘટાડો થયો છે અને તે 1.04 સ્વિસ ફ્રેંક (રૂ. 9,771 કરોડ)ની ત્રણ વર્ષની નીચી સપાટીએ પહોંચી ગયો છે. સેન્ટ્રલ બેંક ઓફ સ્વિટ્ઝરલેન્ડને ટાંકીને આ ડેટા બહાર આવ્યો છે.અહેવાલ મુજબ, સેન્ટ્રલ બેંક ઓફ સ્વિટ્ઝર્લેન્ડના વાર્ષિક ડેટા અનુસાર, સતત બીજા વર્ષે સ્વિસ બેંકોમાં ભારતીય ગ્રાહકોની કુલ સંપત્તિમાં ઘટાડો થયો છે. વર્ષ 2021માં તે 3.83 અબજ સ્વિસ ફ્રેંકના 14 વર્ષના સર્વોચ્ચ સ્તરે પહોંચી ગયું હતું. ઘટાડાનું મુખ્ય કારણ બોન્ડ્સ, સિક્યોરિટીઝ અને અન્ય નાણાકીય સાધનો દ્વારા રાખવામાં આવેલા ભંડોળમાં તીવ્ર ઘટાડો છે. આ ઉપરાંત, ગ્રાહકોના ડિપોઝિટ ખાતાઓમાં જમા કરવામાં આવેલા ભંડોળ અને ભારતમાં અન્ય બેંક શાખાઓ દ્વારા રાખવામાં આવેલા ભંડોળમાં પણ મોટો ઘટાડો થયો છે.

આ બેંકો દ્વારા સ્વિસ નેશનલ બેંકને જાણ કરવામાં આવેલા સત્તાવાર આંકડા છે અને તે સ્વિત્ઝર્લેન્ડમાં ભારતીયો દ્વારા રાખવામાં આવેલા બહુચર્ચિત કાળા નાણાની રકમ દશર્વિતા નથી. આ આંકડાઓમાં ભારતીયો, એનઆરઆઈ અથવા અન્ય લોકોએ ત્રીજા દેશની સંસ્થાઓના નામે સ્વિસ બેંકોમાં રાખેલા નાણાંનો સમાવેશ થતો નથી.
સ્વિસ બેંકોની કુલ જવાબદારીઓ અથવા 2023ના અંતમાં તેમના ભારતીય ગ્રાહકોને બાકી રહેલી રકમ સ્વિસ નેશનલ બેંક દ્વારા સીએચએફ 103.98 કરોડ તરીકે નોંધવામાં આવી છે. તેમાં ગ્રાહકની થાપણોમાં 310 મિલિયન સ્વિસ ફ્રેંક (2022ના અંતે 394 મિલિયન સ્વિસ ફ્રેંક)નો સમાવેશ થાય છે, અન્ય બેંકો દ્વારા રાખવામાં આવેલ 427 મિલિયન સ્વિસ ફ્રેંક (111 મિલિયન સ્વિસ ફ્રેંકથી નીચે), 10 મિલિયન સ્વિસ ફ્રેંક ટ્રસ્ટ દ્વારા રાખવામાં આવ્યા છે 302 મિલિયન (સીએચએફ 24 મિલિયન કરતા ઓછા) અને બોન્ડ, સિક્યોરિટીઝ અને અન્ય વિવિધ નાણાકીય સાધનો (સીએચએફ 189.6 મિલિયન કરતા ઓછા) ના સ્વરૂપમાં ગ્રાહકોને ચૂકવવાપાત્ર અન્ય રકમ નો સમાવેશ થાય છે.
ડેટા અનુસાર, 2006માં કુલ રકમ લગભગ 6.5 બિલિયન સ્વિસ ફ્રેંકની રેકોર્ડ ઊંચી હતી. આ પછી, 2011, 2013, 2017, 2020 અને 2021 સહિતના કેટલાક વર્ષો સિવાય, તે મોટાભાગે નીચેની તરફ રહ્યું છે.