પોરબંદર નજીકના કેશવ ગામે પાણીનુ વહેણ અટકાવીને દીવાલનુ દબાણ કરવામાં આવ્યુ હતુ જેનુ ગ્રામ્ય મામલતદારે ચુસ્ત પોલીસ બંદોબસ્ત વચ્ચે ડીમોલીશન કરાવ્યુ છે.
પોરબંદર જિલ્લામાં ખેડૂતોના રસ્તા બંધ કરવાના તથા પાણીના વહેણને અટકાવીને અન્ય ખેડૂતોને પડતી હાલાકીને દૂર કરવા માટે કલેક્ટરની સ્પષ્ટ સૂચનાને અનુલક્ષીને મામલતદાર પોરબંદર (ગ્રામ્ય)ની ટીમ દ્વારા કેશવ ગામમાં પોલીસ સાથે રાખીને પાણી ના વહેણમાં અડચણ‚પ પાકી દિવાલ - માટીનો પાળો વગેરે તોડીને વહેણને પૂર્વવત કરવામાં આવ્યું છે. પરિણામે ઘણા ખેડૂતોના ખેતરમાં પાણી ભરાવાનો પ્રશ્નનો નિકાલ થઇ શક્યો હતો. તથા મોઢવાડા- કેશવ સીમાડાના અનેક ખેડૂતોને રાહત મળી હતી. તંત્ર દ્વાર આગળના સમયમાં પણ સક્રિય રીતે આવા રસ્તાના દબાણો-પાણીના વહેણને અડચણ ઉભી કરનાર વ્યકિતઓ સામે કડક કાર્યવાહી કરવામાં આવનાર હોવાનું જણાવ્યું હતું.