લોધીકા તાલુકાના પારડી ગામની સીમમાં સવારના સુમારે ૬૮ વર્ષના વૃદ્ધા કુવામાં પડી ગયા હતા. જે અંગેની જાણ થતા મવડી ફાયર સ્ટેશનથી ફાયરની ટીમે અહીં પહોંચી વૃદ્ધાના મૃતદેહને બહાર કાઢો હતો. કુવાની બાજુમાં લીંબુડીનું ઝાડવું હોય લીંબુ તોડવા જતા અકસ્માતે વૃદ્ધા કૂવામાં પડી ગયા હોવાની તેના પુત્રએ શંકા વ્યકત કરી હતી.
જાણવા મળતી વિગતો મુજબ, આજરોજ સવારના ૧૦ વાગ્યા આસપાસ રાજકોટ ફાયર બ્રિગેડને કોલ મળ્યો હતો કે, પારડી ગામની સીમમાં આવેલી વાડીએ વૃધ્ધા કૂવામાં પડી ગયા છે જેના પગલે મવડી ફાયર સ્ટેશનથી ફાયરની ટીમ અહીં પહોંચી હતી.બાદમાં વૃદ્ધાના મૃતદેહને કૂવામાંથી બહાર કાઢો હતો. બનાવના પગલે પોલીસ પણ અહીં આવી પહોંચી હતી.આ મૃતદેહ પારડી ગામમાં રહેતા જયાબેન શંભુભાઈ ઘરડુશિયા(ઉ.વ ૬૮) નો હોવાનું માલુમ પડું હતું. વૃદ્ધાને સંતાનમાં બે પુત્ર છે.
વૃદ્ધાના પુત્ર નિલેશભાઈ ઘરડુશિયાએ જણાવ્યું હતું કે, તેમના માતા રોજ સવારના વાડીએ જતા હતા આજરોજ સવારના સાથે નાસ્તો કર્યા બાદ તે વાડીએ ગયા હતા. હત્પં તથા મારો પુત્ર બાઈક લઈને વાડીએ પહોંચ્યા હતા. દરમિયાન અહીં મારા માતા વાડીએ હોય અને તે કબૂતરને ચણ નાખતા હતા. ત્યારબાદ બાજુની વાડીમાંથી ડુંગળી લેવાની હોય જેથી અમે પિતા–પુત્ર ત્યાં ગયા હતા. થોડીવાર બાદ અહીં વાડીએ આવતા માતા નજરે ન પડતા તપાસ કરી હતી. કબુતરને ચણ નાખ્યા બાદ તેઓ કુવા પાસે હોવાની જાણ હોય જેથી કુવામાં પડી ગયાની શંકા ગઈ હતી અને બાદમાં ફાયર બ્રિગેડને જાણ કરવામાં આવી હતી. નિલેશભાઈએ વધુમાં જણાવ્યું હતું કે, કુવાને અડીને જ લીંબુડીનું ઝાડ હોય જેથી લીંબુ તોડતી વેળાએ અકસ્માતે તેઓ કુવામાં પડી ગયા હોવાની શંકા વ્યકત કરી હતી