ખોડીયાર ક્રેડીટ કો.ઓપરેટીવ સોસાયટીના સભાસદ દંપતી વિધિ નિખીલભાઈ જોશી અને નીખીલ હરીશ જોશીએ સોસાયટીમાંથી લોન લીધેલ હતી. આ લોન ભરપાઈ કરવા બંને  આરોપીઓએ  ચેકો આપેલ અને  સોસાયટીએ બંને ચેકો બેંકમાં ડિપોઝીટ કરતા ચેકો રીટર્ન થયેલ જેથી સોસાયટીના વકીલ દ્વારા કાયદેસરની નોટીસ આપવામાં આવેલ તેમ છત્તા સોસાયટીના ચેક મુજબની રકમનું લેણું ભરાયેલ ન હોય તેથી  નેગોશીએબલ ઈન્સટ્રુમેન્ટ એક્ટ - ૧૩૮ અન્વયે  આરોપીઓ વિરુધ કોર્ટ સમક્ષ ફરીયાદ દાખલ કરેલ હતી અને સમન્સ મળતા બંને આરોપીઓ કોર્ટ સમક્ષ હાજર થયેલા હતા.

કેસ આગળ ચાલતા સુપ્રીમ કોર્ટના ચુકાદાઓ,ફરીયાદી પક્ષના પુરાવાઓ અને સોસાયટીના વકીલની દલીલોને ધ્યાને લઈ આ કામના બંને આરોપીઓને તકસીરવાન ઠરાવવામાં આવેલ હતા  અને   આરોપીઓને  ૧-૧ વર્ષની જેલની સજા તેમજ વાદગ્રસ્ત ચેકની રકમ અનુક્રમે  રૂ ૨,૯૭,૩૮૦ અને રૂ.૨,૯૬,૫૫૪ નો દંડનો હુકમ કરવામાં આવેલ  છે. 

આ કેસમાં ફરીયાદી તરફે વકીલ મિતેષભાઈ એલ.પટેલ, મણીલાલ જી.કાલસરીયા, ગૌરાંગભાઈ જી. મુંજપરા, હરજીવનભાઈ એમ. ધામેલીયા, જયદીપસિંહ જાડેજા  રોકાયા હતા.