ધારાસભ્ય દિવ્યેશ અકબરી, મેયર વિનોદ ખીમસુરીયા સહિતના અગ્રણીઓ હાજર રહ્યા

જામનગર મહાનગર પાલિકાની સ્લમ  શાખા દ્વારા  ગૂડ ગવર્નન્સ  ડે ના રોજ અને ભારત સરકાર દ્વારા  સ્વચ્છ  ભારત  અભિયાન  ૨.૦ ના પ્રારંભના શુભ  અવસરે જામનગર  શહેરમા નવા એસપીરેશનલ પે એન્ડ યુઝ ટોઈલેટ  બનાવવાની કામગીરીનો પ્રારંભ કરાયો હતો.
જે અંતર્ગત જામનગર શહેરની ગુરૂ ગોવિંદસિંહ હોસ્પિટલના પરિસરમા પે એન્ડ યુઝ ટોઈલેટ બનાવવાના કામનુ ખાતમુહૂર્ત ઘારાસભ્ય દિવ્યેશભાઈ  અકબરી,  મેયર વિનોદભાઈ ખીમસૂરયા, ડે.મેયર ક્રિષ્નાબેન સોઢા, શાસક પક્ષ નેતા આશિષભાઈ જોશીની ઉપસ્થિતિમાં કરવામા આવ્યુ હતું.
 આ કાર્યક્રમમા જી.જી. હોસ્પિટલના ડીન નંદિનીબેન દેસાઈ, તબિબી  અધિક્ષક ડો. દિપકભાઈ તિવારી તથા ટીમ અને સ્લમ શાખાના નાયબ ઈજનેર અશોક જોશી અને ટીમ પણ હાજર રહી હતી, આ પ્રસંગે બંને ધારાસભ્ય ગુણવત્તા યુક્ત બાંધકામ કરવા અને જરૂર પડ્યે ગ્રાંટ ફાળવશે તેમ જણાવ્યું હતું.