જામનગર શહેર પછી હવે ગ્રામ્ય વિસ્તારમાં પણ વાહન ચોર સક્રિય બન્યા છે, અને બે વાહનોની ચોરી કરી લઈ ગયા ની ફરિયાદ પોલીસમાં નોંધાવાઈ છે.

ધ્રોલમાં ગાયત્રી નગર વિસ્તારમાં રહેતા ઇન્દ્રેશભાઈ ઈકબાલભાઈ ચૌહાણ નામના ૨૧ વર્ષના વાઘેર યુવાને ધ્રોળ હાઈવે રોડ પર આવેલી એક હોટલના પાર્કિંગમાં પાર્ક કરેલું પોતાનું રૂપિયા એક લાખની કિંમતનું બુલેટ મોટર સાયકલ કોઈ તસ્કરો ચોરી કરી લઈ ગયા ની ફરિયાદ ધ્રોળ પોલીસ મથકમાં નોંધાવી છે.

આ ઉપરાંત લાલપુર તાલુકાના મેઘપર ગામમાં રહેતા હરેન્દ્ર સિંહ હેમત સંગ કંચવા નામના ખેડૂત દ્વારા મેઘપર ગામના રાધાકૃષ્ણ મંદિર પાસે પાર્ક કરવામાં આવેલું પોતાનું મોટરસાયકલ કોઈ તસ્કરો ચોરી કરી લઈ ગયા ની ફરિયાદ મેઘ પર પોલીસ મથકમાં નોંધાવી છે. જે મામલે પોલીસ વધુ તપાસ ચલાવે છે.