તાજેતરમાં ભાવનગર મહાપાલિકાના નિયુક્તિ પામેલા  કમિશનર સુજીતકુમારે  શહેરમાં ગોકળગાયની ગતિએ ચાલી રહેલા ફલાય ઓવરબ્રિજની કામગીરીનું નિરીક્ષણ કરી તાગ મેળવ્યો હતો. કમિ. સુજીતકુમારે સ્થળ નિરીક્ષણ કરી ફ્લાય ઓવરબ્રિજની કામગીરી ઝડપથી પૂર્ણ થાય તે માટે તેમની સાથે રહેલાસીટી ઈજનેર સહિતના અધિકારીઓ સાથે ચર્ચા કરી સૂચનાઓ આપી હતી. ફ્લાય ઓવરબ્રિજના કામ ઉપરાંત કમિશનરે  કંસારા પ્રોજેક્ટ તેમજ દુ:ખી શ્યામ બાપા સર્કલ થી ટોપ થ્રી સર્કલ સુધી બની રહેલા રોડના કામનું પણ નિરીક્ષણ કરી સંપૂર્ણ જાણકારી મેળવી હતી.કમિશ્નરની સાથે મહાપાલિકાના સીટી ઈજનેર સહિત તમામ વિભાગીય વડા જોડાયા હતા. ઉલ્લેખનીય છે કે ભાવનગરશહેરમાં ફ્લાય ઓવરબ્રિજ તેમજ કંસારા પ્રોજેક્ટ સહિત વિવિધ કામો વર્ષોથી ચાલી રહ્યા છે. ત્યારે નવનિયુક્ત કમિશ્નર આ તમામ કામો ઝડપથી પૂર્ણ થાય તે માટે પ્રયત્નશીલ રહે તેવું શહેરના લોકો ઈચ્છી રહ્યા છે.