જૂનાગઢમાં શિયાળો અસલ મિજાજમાં આવ્યો છે. લઘુતમ તાપમાનનો પારો દિન પ્રતિદિન સરકી રહ્યો છે. આજે શહેરમાં ચાલુ સિઝનનું સૌથી નીચું તાપમાન નોંધાયું હતું. એક જ દિવસમાં તાપમાનનો પારો ૧.૬ ડિગ્રી સરકી ગયો છે તો ૧૦.૩ ડિગ્રી અને ગિરનાર પર્વત પર ૫.૩ તાપમાન અને બરફીલા પવનથી વાતાવરણ ઠંડુ ગાર થયું છે. ગિરનાર પર્વત પર ૬૫ કિલોમીટર પ્રતિ કલાકની ઝડપે પવન ફંકાઈ રહ્યો છે જેથી રોપવે સવારથી જ બધં છે. શહેરમાં પણ ૭.૫કિલોમીટરની ઝડપે ઠંડા પવનથી શહેરીજનો ગરમ વક્રોમાં અને ઠંડીથી બચવા તાપણું અને ગરમ ચા અને કાવાની ચુસકી માણી રહ્યા છે.
જૂનાગઢમાં આજે સિઝનનું સૌથી નીચું તાપમાન નોંધાયું છે આજે નોંધાયેલા હવામાન મુજબ શહેરમાં લઘુતમ તાપમાન ૧૦.૩ ભવનાથ તળેટી ૮.૩, ગિરનાર પર્વત ૫.૩ તાપમાન વાતાવરણમાં ભેજ ૬૪ ટકા અને શહેરમાં ૭.૫ કિલોમીટરની ઝડપે પવન ફંકાઈ રહ્યો છે. ભેજ ઘટો અને સૂકા અને ઠંડા પવનના કારણે ઠંડીમાં વધારો થયો છે. ધૂળિયા રસ્તા થી વાહન ચાલકોને પણ મુશ્કેલીનો સામનો કરવો પડી રહ્યો છે.
ગિરનાર પર સવારથી જ વાવાઝોડાની ગતિએ પવન ફંકાઈ રહ્યો છે. જેથી રોપવે સવારથી જ પ્રવાસીઓ માટે બધં છે. ઠંડા વાતાવરણમાં પગથીયા ચડી જતા લોકો આહલાદક વાતાવરણનો અનુભવ કરી રહ્યા છે. શહેરની સરખામણીએ ગિરનાર પર્વત પર ૯ ગણી વધુ ઝડપ નોંધાઈ હતી. હવામાન વિભાગ દ્રારા હજુ પણ બે થી ત્રણ ડિગ્રી તાપમાનમાં ઘટાડો થશે તેવી આગાહી કરવામાં આવી છે